मानव बेचबिखनविरुद्धको अभियान सुरु हुँदै

भी ग्रुप मिडिया नेटवर्क। मानव बेचबिखन अनुसन्धान ब्यूरो आफन्त नेपाल र माईती नेपालको सहकार्यमा स्कलर्स स्पेसले मानव बेचबिखन विरुद्धको अभियान चलाउने भएको छ । एक महिने अभियानमा मानव बेचबिखन विरुद्ध जागरुकता फैलाउनका लागि विभिन्न सेसनमा छलफल हुनेछ ।

विभिन्न पेशा व्यवसायमा रहेका व्यक्तिहरुले मानव बेचबिखन विरुद्धमा आवाज उठाउने छन् । यस्तै अभियान अन्तर्गत विभिन्न तालिम पनि संचालन हुने स्कलर्स स्पेसले विज्ञप्तिमार्फत जानकारी गराएको छ । तालीम लिन चाहनेले स्कलर्स स्पेसको वेबसाईट https://scholarsspace.com/campaign मा गएर रजिस्टर गर्न सक्ने छन् ।

त्यसमा समावेश भएका तालीमहरु नि:शुल्क भएपनि केही तालीममा भने न्युनतम ३ सय रुपैँया शुल्क लाग्ने बताइएको छ । तालिमबाट उठेको रकमा साउन १५ गते माईती नेपाललाई हस्तान्त्रण गर्ने आयोजकले जनाएको छ ।

यस अभियानमा आईटी स्टुडेन्ट्स अफ नेपाल र जिनेसी क्लाउड एकेडेमी सहजकर्ताको रूपमा, सिस्टरहूड नेपाल मेन्स रुम रिलोडेड इम्प्याक्ट पार्टनरको रुपमा र इभेन्ट पार्टनरको रुपमा Engineering Helpline र TechSetu रहेका छन् ।