काठमाडौँ । शिक्षा, विज्ञान तथा प्रविधि मन्त्री महावीर पुनले देश विकासका लागि केवल आन्दोलन र सिंहदरबार घेराबन्दीले मात्र नपुग्ने भन्दै युवाहरूलाई राजनीतिक नेतृत्वमै परिवर्तन ल्याउन आग्रह गरेका छन्।
सामाजिक सञ्जालमार्फत उनले लेखेका छन्, “अहिलेको परिस्थितिमा सिंहदरबार घेरेर मात्र देश विकास हुँदैन भन्ने कुरा युवाहरूले खोइ त बुझेका? अहिलेको युवा पुस्ता र भावी पुस्ताको उज्ज्वल भविष्यका लागि फागुन २१ गते हुने आमचुनावमा धेरैभन्दा धेरै युवा नेताहरूलाई विजयी गराउनु नै एकमात्र बाटो हो।”
उनले वर्तमान ‘बुढा नेता’हरूलाई लोभी–पापी र स्वार्थी समूहले घेरेको आरोप लगाउँदै यिनै कारणले देशका संयन्त्रहरू कमजोर र दिशाविहीन बन्दै गएको उल्लेख गरेका छन्।
उनका अनुसार पुरानो राजनीतिक शैलीले देशलाई निरन्तर जकडिएको अवस्थामा अब युवा पुस्ताले सक्रिय भएर जिम्मेवारी लिनु अत्यावश्यक छ।
