Connect with us

आर्थिक

चौँथो राष्ट्रिय कृषि यान्त्रीकरण प्रदर्शनी २०७६ चितवनमा हुने

Published

on

‘कृषिको रुपान्तरण : कृषिमा यान्त्रीकरण’ भन्ने नारासहित चौँथो राष्ट्रिय कृषि यान्त्रीकरण प्रदर्शनी २०७६ चितवनमा हुने भएको छ । कृषिसम्बन्धी आधुनिक प्रविधि, विभिन्न कृषि औजार, उपकरण र यन्त्रहरुको बारेमा जानकारी गराउन एवम् प्रविधि तथा सेवाको आन्तरिक बजार प्रवद्र्धनमा योगदान पु¥याउने उद्देश्यले प्रदर्शनी गर्न लागिएको आयोजकले जनाएको छ ।

प्रदर्शनी कृषि पूर्वाधार विकास तथा कृषि यान्त्रीकरण प्रवद्र्धन केन्द्र, प्रधानमन्त्री कृषि आधुनिकीकरण परियोजना, प्रदेश नं ३ को भूमि व्यवस्था, कृषि तथा सहकारी मन्त्रालय र नेपाल कृषि मेसिनरी व्यवसायी संघको संयुक्त आयोजनामा मंसिर ६ गतेदेखि ९ गतेसम्म हुने आयोजकले बुधबार पत्रकार सम्मेलन गरी जानकारी दिएको हो ।

चितवन उद्योग संघको प्रदर्शनी केन्द्रमा हुने चौँथो राष्ट्रिय कृषि यान्त्रीकरण प्रदर्शनीमा सयभन्दा बढी प्रदर्शनीकर्ता, २० भन्दा बढी मुलुकका दुई हजार बढी कृषि यन्त्र, औजार एवम् प्रविधिहरुको प्रदर्शनी हुने आयोजक नेपाल कृषि मेसिनरी व्यवसायी संघका महासचिव कृष्ण शर्माले बताए । ७० जिल्लाका ३५ हजारभन्दा बढी अवलोकनकर्ताहरुले अवलोकन गर्ने प्रदर्शनीमा १० करोड रूपैयाँभन्दा बढीको कारोबार हुने अनुमान गरिएको छ ।

अवलोकनकर्ताहरुले निःशुल्क प्रदर्शनी अवलोकन गर्न पाउने शर्माले जानकारी दिए । प्रदर्शनीको मुख्य आकर्षणमा एग्रिकल्चरल मेसिनरी एसोसिएसन क्षेत्रीय काउन्सिल एसिया र प्रशान्तको पाँचौँ सदस्य सम्मेलन रहने उनले बताए । सम्मेलनमा १८ देशका ३५ भन्दा बढी विज्ञहरुको सहभागिता रहनेछ । प्रदर्शनीले नेपालको कृषिलाई यान्त्रीकरणमार्फत व्यावसायीकरण गरी आधुनिक कृषिप्रणालीको विकास गर्न मद्दत पु¥याउने नेपाल कृषि मेसिनरी व्यवसायी संघका अध्यक्ष स्वयम्भूकृष्ण श्रेष्ठले बताए ।

प्रदर्शनीको अवलोकन गर्न देशका विभिन्न १७ वटा जोन कार्यक्रमका किसानहरु पनि आउने बताइएको छ । यसअघि विसं २०७४ मा धरानको सुनसरीमा तेस्रो राष्ट्रिय कृषि यान्त्रीकरण प्रदर्शनी भएको थियो । स.चितवन पोस्ट

Continue Reading

Facebook Comment

Click to comment

Leave a Reply

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

धेरै पढिएको

सम्पर्क

नारायणी मिडिया एण्ड टेक्नोलोजी प्रा.लि.

भरतपुर–१० , चितवन

सूचना बिभाग दर्ता नं.

१६९९/०७६-७७

सम्पर्क

मोबाइल - 9846782512

ई–मेल

narayanidainik@gmail.com
हाम्रो टिम
संचालक बिक्रम शर्मा
सम्पादक विपिन कंडेल
संवाददाता सृजना ढकाल
हाम्रो फेसबुक