Connect with us

नारायणी सेरोफेरो

परिषदको स्थापना दिवसका अवसरमा यहि मंसिर २४ गते देशका २५ प्रमुख स्थानमा एकसाथ रक्तदान हुने

Published

on

दाङ। प्राज्ञिक विद्यार्थी परिषद् नेपालको आठौँ राष्ट्रिय महाधिवेशन आउने चैत्र महिनामा हुने भएको छ । परिषद्को यहि मंसिर १९, २० र २१ गते दाङको घोराहीमा बसेको केन्द्रीय कार्यकारिणी समितिको बैठकले आउने चैत्रको २०, २१ र २२ गते बिराटनगरमा आठौँ राष्ट्रिय महाधिवेशन गर्ने निर्णय गरेको हो ।

परिषद् २५ बर्षमा प्रवेश गरेको बर्षलाई रजत जयन्ती बर्षका रुपमा मनाउने निर्णय गरेको परिषद्का राष्ट्रिय महासचिव सुरेन्द्रप्रसाद भट्टले जानकारी दिएका छन । रजत बर्षलाई विशेष बर्षका रुपमा मनाउन विभिन्न रचनात्मक कार्यक्रमहरु गर्ने निर्णय गरेको छ । जसअन्तर्गत राष्ट्रिय भावनाको जगाउनका लागि ‘एक संकल्प, राष्ट्रका लागि’ भन्ने मुल मर्मका साथ राष्ट्रिय कार्यक्रम गर्ने निर्णय गरेको महासचिव भट्टले जानकारी दिएका छन ।

यसैगरी रजत जयन्ती स्वागतका लागि परिषदको स्थापना दिवसका अवसरमा यहि मंसिर २४ गते देशका २५ प्रमुख स्थानमा एकसाथ रक्तदान गर्ने निर्णय गरेको छ । त्यसका लागि महासचिव सुरेन्द्रप्रसाद भट्टको संयोजकत्वमा २५ सदस्य रजत जयन्ती बर्ष राष्ट्रिय समन्वय समिति गठन गरेको छ ।

त्यसैगरी मंसिर २५ गतेदेखि पुस महिनाभर महिला सुरक्षा र सम्मानका लागि विशेष अभियान ‘मिसन साहसी’ अभियान देशभर सञ्चालन गर्ने निर्णय गरेको छ । महिलाहरुमाथि विभिन्न हिंसाका घट्नाहरु बढि रहेको समयमा कसरी आफ्नो सुरक्ष ागर्न सकिन्छ भनेर आत्मबल बढाउने गरि सिकाईने भएको महासचिव भट्टले जानकारी दिएका छन ।

बैठकले शिक्षालाई राजनीतिक हस्तक्षेपबाट मुक्त राख्नुपर्ने भन्दै विभिन्न विश्वविद्यालयमा हुने राजनीतिक नियुक्तिको अन्त्य गर्दै योग्य, इमान्दार र क्षमतावान व्यक्तिलाई नियुक्त गर्नुपर्ने माग गरेको छ । साथै बैठकले पारित गरेका शिक्षा सम्वन्धी सुझावहरु सरकारलाई बुझाउने निर्णय समेत गरेको छ ।

Continue Reading

Facebook Comment

Click to comment

Leave a Reply

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

धेरै पढिएको

सम्पर्क

नारायणी मिडिया एण्ड टेक्नोलोजी प्रा.लि.

भरतपुर–१० , चितवन

सूचना बिभाग दर्ता नं.

१६९९/०७६-७७

सम्पर्क

मोबाइल - 9846782512

ई–मेल

narayanidainik@gmail.com
हाम्रो टिम
संचालक बिक्रम शर्मा
सम्पादक विपिन कंडेल
संवाददाता सृजना ढकाल
हाम्रो फेसबुक