Connect with us

Banner

माडीमा बाँदरमुढे घटना भएको १६ वर्ष पुरा ।

Published

on

माडीमा बाँदरमुढे घटना भएको १६ वर्ष पुरा भएको छ । तत्कालिन विद्रोही माओवादीले यात्रुबाहक बसलाई निशानामा राखेर गरेको विस्फोट ‘बाँदरमुढे घटना’ का रुपमा चर्चित छ । सो घटनामा ४२ जनाले ज्यान गुमाए भने ७५ जना घाइते भए । घाइते ३ जनाको उपचारका क्रममा ज्यान गएको थियो । ज्यान गुमाउनेमा ३ जना नेपाली सेना पनि थिए ।२०६२ जेठ २३ गते चितवन माडीको बाँदरमुढे खोला नजिकै एम्बुस थापेर विस्फोट गराइएको थियो । घटनामा अघिकाँस माडीकै सर्वसाधरण परेका थिए । १६ वर्ष पुरा भएपनि पीडित परिवार न्यायको पखाईमै छन् । गणेशगञ्जकी विष्णुमाया विक १४ महिने छोरी सुस्मिता सहित सोही दुर्घटनामा परेकी थिइन् । दाहिने खुट्टा भाँचिएको, टाउकोमा चोट लागेको थियो । सानी छोरीको खुट्टामा चोट लागेको थियो । छोरी र श्रीमति घाइते देखेपछि श्रीमान चन्द्रबहादुरले मानसिक सन्तुलनै गुमाए । विष्णुमाया घाइते शरिर भएकाले दैनिक कामकाज गर्न समेत कठिन हुने गरेको बताउँछिन् ।
घटनामा घाइते भएका १५ जनाले अहिले पनि औषधि खाइरहेको र सात जना मानसिक समस्यामा रहेको बाँदरमुढे घटनापीडित समितिका अध्यक्ष मुक्तिनाथ न्यौपानेले बताए । मृतकको सम्झनामा खोलामा स्मारक निर्माण गरिएको छ ।आज स्मारक नजिक दीप प्रज्ज्वलन गरी कालो दिवसको रुपमा मनाउने तयारी गरिएको छ ।माओवादी केन्द्रका अध्यक्ष पुष्पकमल दाहाल ‘प्रचण्ड’ संसदीय निर्वाचनका क्रममा २०७४ मंसिर १७ गते माडीमै पुगेर पीडित पक्षसँग गरेका सहमति अझै लागू हुन सकेको छैन । त्यसपछि प्रचण्ड पटककपटक सरकारको नेतृत्व गरेपनि आफैँले गरेको वाचा समेत पूरा गर्न नसकेको पीडितहरुले गुनासो गरेका छन् ।

source: madi samachar

Continue Reading

Facebook Comment

Click to comment

Leave a Reply

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

धेरै पढिएको

सम्पर्क

नारायणी मिडिया एण्ड टेक्नोलोजी प्रा.लि.

भरतपुर–१० , चितवन

सूचना बिभाग दर्ता नं.

१६९९/०७६-७७

सम्पर्क

मोबाइल - 9846782512

ई–मेल

narayanidainik@gmail.com
हाम्रो टिम
संचालक बिक्रम शर्मा
सम्पादक विपिन कंडेल
संवाददाता सृजना ढकाल
हाम्रो फेसबुक