Connect with us

Banner

सहकारीमा ५ करोड हिनामिना, गाउँपालिका अध्यक्षसहित २० जना विरुद्ध पक्राउ पुर्जी

Published

on

दाङ । नेफ्स्कूनबाट प्रोबेसन प्राप्त दाङको महाप्रभु बचत तथा ऋण सहकारी संस्थाको रकम हिनामिना भएको छ ।

वित्तीय कारोबारमा राम्रो भनेर नेफ्स्कूनले ब्रान्ड दिएको संस्थाको ५ करोड २७ लाख रकम हिनामिना भएको आरोपित २५ मध्ये २० जनालाई अदालतले पक्राउ आदेश जारी गरेको हो ।

रकम हिनामिना गरेको आरोपमा दाङ देउखुरी जिल्ला अदालतले राप्ती गाउँपालिकाका अध्यक्ष नुमानन्द सुवेदीसहित २० जना विरुद्ध पक्राउ पुर्जी जारी गरेको छ ।

सुवेदी महाप्रभु बचत तथा ऋण सहकारी संस्थामा २०७१ देखि २०७४ सम्म लेखा सुपरिवेक्षण समितिको संयोजक थिए । त्यति बेलैको रकम हिनामिना भएको आरोपमा अदालतले सुवेदीलाई पनि दोषी देखाएको हो । लेखा समितिमा भएर नियमन गर्न नसकेको भन्दै उनलाई पनि पक्राउ गर्न अदालतले आदेश दिएको छ ।

यसअघि नै सहकारीको रकम हिनामिना गरेको आरोमा ४ जना कर्मचारी कारागार चलान भएका छन् । रकम हिनामिनाबाट बच्न मर्जमा जाने महाप्रभुको प्रयासले सार्थकता पाउन सकेको छैन ।

अदालतले महाप्रभु बचत तथा ऋण सहकारी संस्थाका पूर्व अध्यक्ष किरण भण्डारी, अध्यक्ष रुकमाङगत ज्ञवाली, पूर्व उपाध्यक्ष रामबहादुर कुवर, उपाध्यक्ष कृष्णप्रसाद उपाध्याय पौडेल, पूर्व सचिव हिमानन्द पाण्डे, सचिव हरिप्रसाद भुसाल, पूर्व सह-सचिव माधव शर्मा, कोषाध्यक्ष रामकृष्ण पौडेल, पूर्व व्यवस्थापक गुरुप्रसाद सुवेदीलाई पक्राउ पुर्जी जारी गरेको अदालतका श्रेस्तेदार तथा सुचना अधिकारी धनसिंह गिरीले जानकारी दिए ।

अदालतले महाप्रभु बचत तथा ऋण सहकारी संस्थाका सदस्यहरू केशवराज आचार्य, कमला पौडेल, धर्मराज अधिकारी, शारदा भुसाल, कमला बेल्बासेलाई पनि पक्राउ पुर्जी जारी गरेको छ ।

महाप्रभु साकोसका पूर्व लेखा तथा सुपरिवेक्षण समितिका संयोजक विष्णुबहादुर थापा, सदस्य द्धय तुलसीराम पोख्रेल, युवराज भुसाल, लेखापरिक्षकद्धय गोविन्दप्रसाद भण्डारी र गङ्गाबहादुर केसी विरुद्ध पनि पक्राउ पुर्जी जारी गरिएको जनाएको छ ।

यसअघि नै सहकारीको रकम हिनामिना गरेको आरोमा ४ जना कर्मचारी कारागार चलान भएका छन् । रकम हिनामिनाबाट बच्न मर्जमा जाने महाप्रभुको प्रयासले सार्थकता पाउन सकेको छैन ।

२०७७ पुस २३ महाप्रभु, हरियाली, जनजीविका र बिहानी मर्ज भई देउखुरी बचत तथा ऋण सहकारी बनेको थियो । मर्ज घोषणा भएपनि महाप्रभुको हिसाब नमिलेकाले त्यही भवनभित्र छुट्टै कार्यालय राखिएको छ ।

देउखुरी सहकारीको राप्ती गाउँपालिका -५ सिसहनियाँमा प्रधान कार्यालय राखिएको छ । हिनामिनाको घटना भने सहकारी मर्ज भइसके पछि मात्रै सार्वजनिक भएको थियो ।

(भि ग्रुप मीडिया नेटवर्क )

Continue Reading

Facebook Comment

Click to comment

Leave a Reply

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

धेरै पढिएको

सम्पर्क

नारायणी मिडिया एण्ड टेक्नोलोजी प्रा.लि.

भरतपुर–१० , चितवन

सूचना बिभाग दर्ता नं.

१६९९/०७६-७७

सम्पर्क

मोबाइल - 9846782512

ई–मेल

narayanidainik@gmail.com
हाम्रो टिम
संचालक बिक्रम शर्मा
सम्पादक विपिन कंडेल
संवाददाता सृजना ढकाल
हाम्रो फेसबुक