रोट्रयाक्ट क्लब अफ कावासोतीको नयाँ नेतृत्व चयन भएको छ । हालै सम्पन्न भएको क्लबको विशेष भेलाले वर्ष २०२०/२१ का लागि परमानन्द गौतमको अध्यक्षतामा नयां कार्य समिति चयन गरेको छ ।
उक्त भेलाको अध्यक्षता अहिलेका वर्षका अध्यक्ष परमानन्द गौतमले नै गरेका थिए । क्लब स्थापना भएको १ वर्ष पनि नभएको अवस्थामा संस्थापक कार्यसमितिलाई नै पूर्ण रूप दिइएको जानकारी गराउनु भयो । गौतम अध्यक्ष भएसंगै निर्वाचित अध्यक्षमा अनिल सुवेदी चुनिएका छन ।
उपाध्यक्षहरुमा कुशल लामिछाने र सुधन लम्साल सचिवमा शेष नारायण पौडेल सह सचिवमा रमेश काफ्ले, कोषाध्यक्षमा गोविन्द सिग्देल, सह कोषाध्यक्षमा पूजा श्रेष्ठ चुनिएका छन् । कार्य समितिमा ४ जना डाईरेक्टरहरु क्रमश ऋषि गौतम, बुलेट सिग्देल, खेम सारु मगर, ईश्वर पराजुली सम्पादक अन्जु रिजाल, को-सम्पादकमा विद्या शर्मा र सर्जेन्ट एट आर्म सुमन लम्साल गरि १५ जनाको बोर्ड गठन गरिएको छ ।
समाजिक सेवाभाव ‘फेलोशिप सँगै सेवा’ भन्ने मुलनारा बोकेको रोट्रयाक्ट क्लब विश्व स्तरमा स्थापित संसारकै ठुलो र प्रतिष्ठित रोटरी क्लवको युवा लक्षित अन्तराष्ट्रिय क्लब हो भने कावासोती रोट्रयाक्ट क्लब नवलपुरमा परिचित, रोट्रयाक्ट डिष्ट्रिक्ट ३२९२ नेपाल भुटानमा छोटो समयमा धेरै चर्चा कमाउन सफल रहेको क्लबको रुपमा रहेको क्लबका मीडिया कोर्डिनेटर धनराज थापा मगरले जानकारी दिए ।