रोटरी क्लव अफ कावासोती र रोट्रयाक्ट क्लब अफ कावासोतीको आयोजनामा लक डाउनको समयलाई सदुयोग गर्दै अनलाइन जुम एपको माध्यमबाट सकारात्मक सोचको शक्ति भन्ने विषयमा कार्यक्रम सम्पन्न भएको छ ।
रोट्रयाक्ट क्लब अफ कावासोतीका सामुदायीक सेवा निर्देशक बुलेट सिग्देलले कार्यक्रमको संयोजन गर्नु भएको थियो भने क्लबका अध्यक्ष परमानन्द गौतमले कार्यक्रमबारे जानकारी गराउनु भएको थियो ।
अन्तराष्ट्रिय वक्ता तथा कृषि तथा वन विज्ञान रामपुर क्याम्पसका प्रोफेसर डाक्टर होम बहादुर बस्नेत कार्यक्रमको वक्ताको रुपमा रहनु भएको थियो । यो कोरोना महामारीको अवस्थामा धेरै जना घरमै बसी रहँदाको अवस्थामा मानिसमा मानसिक तनाब हुने देखि लिएर धेरै समस्या आएको अवस्थामा यश सेशनले धेरै नै फाइदा हुने कुराको जानकारी गराउनु भएको थियो ।
कार्यक्रममा ७० जना भन्दा बढीको सहभागिता रहेको थियो भने नेपाल लगायत बंगलादेशबाट पनि कार्यक्रममा सहभागिता रहेको थियो । कार्यक्रमको अन्तमा रोटरी क्लब अफ कावासोतीका अध्यक्ष भरत पोख्रेलज्यूले रोटरीले समाजको धेरै ठाउँमा रहेर काम गरी रहेको र आउने दिनमा पनि निरन्तर दिने कुराको जानकारी गराउनु भयो ।
