खल्ती डिजिटल वालेटले मोबाइल एप र खल्ती डटकम वेब पेज मार्फत कारोबार गर्ने ग्राहकको लागि ‘ खल्तीको दुई गुणा अफर ‘ ल्याएको छ।
यो योजना असार १७ देखि ११ दिन सम्मको लागि चल्ने छ। यो योजना अन्तर्गत ग्राहकले पठाएको रकम दोब्बर बनाउने अवसर पाउने छन्।
१० रुपैया देखि ५ सय रुपैया सम्म पठाउनेको मात्र नगद दोब्बर हुने कम्पनिले जनाएको छ । बिजेताको वालेटमा खल्तीले ग्राहकले पठाएजति नै रकम जम्मा गरिदिने छ ।
विजेता नबन्नेहरूले आफूले पठाएजति रकम असार ३१ भित्र वालेटमै फिर्ता पाउने छन् । योजनामा सहभागी हुनेले असार २७ सम्म आफ्नो ग्राहकको व्यक्तिगत विवरण (केवाईसी) प्रमाणित गरिसक्नु पर्ने र प्रवर्धनात्मक योजनामा ‘खल्ती’का सबै प्रयोगकर्ता साथै एजेन्टहरू पनि सहभागी हुन सक्ने जनाइएको छ ।
११ दिनको अवधिमा रकम पठाउनेमध्ये ५० जना विजेताको घोषणा असार २८ मा गरिने जनाइएको छ ।
