काठमाडौं । सरकारले बैंक तथा वित्तीय संस्थालाई अत्यावश्यक क्षेत्र भन्दै बन्द गर्ने सूचीमा राखेको छैन । तर पनि उपत्यकाका सबै बैंक र एटिएम पनि बन्द भएका छन् । निषेधाज्ञाका नाममा प्रहरीले कर्मचारीलाई अनावश्यक रुपमा दुःख दिएको भन्दै बैंक बन्द गरिएका छन् । एटिएम पनि संचालनमा छैनन् ।
बैंकर्स अनिल केशरी शाहले प्रहरीले दुख दिएका कारण बैंक बन्द गरेको जनाएका छन् । सरकारले बुधबार रातिदेखि काठमाडौ उपत्यकामा निषेधआज्ञा जारी गरेको हो । तर बैंकलाई अत्यावश्यक सेवा भित्र राखेको छ । २७ वटा वाणिज्य बैंकले आवश्यकता हेरी काठमाडौंमा ५, ललितपुरमा २ र भक्तपुरमा १ शाखा खोल्न पाउने व्यवस्था गरिएको थियो ।
तर प्रहरीले कर्मचारीलाई सडकमा हिड्नै नदिएको भन्दै विरोध स्वरुप बन्द गरिएका छन् । प्रहरीले कर्मचारीलाई घरवाट कार्यालय र कार्यालयवाट घर जान नदिएको भन्दै बैंक बन्द गरिएको हो । नेपाल बैकर्स संघले निर्णय गरेर नै सबै बैंक बन्द गरिएको हो । सरकारको निर्देशन कार्यान्वयन गर्न बैंक तयार भएको भएपनि कर्मचारीलाई प्रहरीले अनावश्यक दुख दिएका कारण सञ्चालन गर्न नसकिएको शाहले बताए । प्रहरीले बैंकका कर्मचारीलाई सडकमा घण्टौं सम्म उभ्याइदिएपछि कोरोनाको जोखिम बढेको शाहको भनाई छ ।
नेपाल बैंकर्स, राष्ट्र बैंक र गृह मन्त्रालयको बैठकपछि मात्रै शुक्रबारदेखि बैंक खोल्ने नखोल्ने निष्कर्षमा पुग्न सकिने बताए । ‘एटिएममा पैसा हाल्न पनि बैंक पुग्नुपर्ने भएकाले एटिएम पनि चलाउन नसकिएको उनको भनाई छ ।
