काठमाडौं । निजी क्षेत्रका दुई ठूला र पुराना बैंक हिमालयन र नेपाल इन्भेष्टमेन्ट बैंक आपसमा मर्ज भई नेपालकै सबैभन्दा ठूलो बैंक बन्ने अन्तिम तयारीमा जुटेका छन् ।
बैंकिङ क्षेत्रमा देखिएको तीब्र प्रतिस्पर्धाको सामना गर्न र राष्ट्र बैंकको दबाबपछि यसपटक भने यी दुई बैंक आपसमा मर्ज हुनेगरी तयारी गरिरहेको स्रोतको दाबी छ ।
‘यसअघि हिमालयन र इन्भेष्टमेन्ट बैंक मर्ज गरौं भन्ने तरिकाले मौखिक कुराकानी मात्रै भएको थियो, तर यो पटक भने लिखितरुपमा मर्जरको प्रक्रिया अघि बढाइएको छ,’ स्रोतले भन्यो, ‘चाँडै मर्ज हुने वा नहुने कुराको छिनोफानो हुन्छ । अहिले नै मर्ज नहुने बारे सोचिएको छैन, जसकारण हुने संभावना अत्यन्तै बलियो छ ।’
‘पुस दोस्रो साता मर्जको सहमतिपत्रमा हस्ताक्षरको तयारी छ, कथम् कदाचित ढिला हुन गएमा पुसभित्रै साधारणसभा गरी सहमतिपत्रमा हस्ताक्षर हुनसक्ने संभावना पनि छ,’ स्रोतले भन्यो ।
क्लिकमान्डूबाट साभार गरिएको सामग्री
