चितवन । चितवनका सुनिल क्षेत्री राप्रपा नेपालकाे केन्द्रीय सहायक महामन्त्री पदमा मनाेनित भएका छन् । उनलाई अध्यक्ष कमल थापाले मनाेनित गरेका हुन् । मृगौला पीडित असाय संरक्षण केन्द्रका संरक्षक एवम् अध्यक्ष ,युवा समाजसेवी तथा ब्याबसायी समेत रहेका क्षेत्रीलाई आज नै मनाेनित भएकाे पत्र प्राप्त गरेका हुन् ।
पत्रमा अध्यक्ष थापाले भनेका छन्, ‘पार्टीको सिद्धान्त र नीतिप्रति प्रतिवद्ध भई पार्टीको वृहत्तर हितमा कार्य गर्नुहुने छ भन्ने विश्वास लिएको छु । ‘ समाजसेवी क्षत्रीले अशक्त असाहायहरुलाई सहयाेग गर्दै आएका छन् । उनले कालिका नगरपालिकाका स्थानीयलाई काेराेनाका समय ह्वीलचेयर तथा खाद्यान्न सहयाेग गर्नुका साथै विभिन्न मृगाैला पीडितहरुलाई नगद सहयाेग समेत गरेका थिए ।
क्षेत्रीले सहायक महामन्त्रीमा रहेर संगठन बलियाे बनाउदै जनताप्रति पार्टीकाे विश्वास बढाउदै लैजाने बताए । साथै उक्त पदमा मनाेनित गरेकाेमा पार्टी अध्यक्षलाई धन्यवाद समेत दिएका छन् । 
