बारामा यात्रुवाहक बस दुर्घटना अपडेट : यस्तो छ १७ जना घाइतेको विवरण

बारा । बारामा मंगलबार बिहान यात्रुवाहक बस दुर्घटना भएको छ ।जीतपुर सिमरा उप-महानगरपालिका वडा नं.२३ भलुहीमा भैरहवाबाट वीरगन्जतर्फ आउँदै गरेको ना ७ ख ६०७६ नम्बरको यात्रुवाहक बस दुर्घटना भएको हो ।

बसमा सवार २२ जना यात्रुहरूमध्ये ३ जनाको गम्भीर, ७ जनाको मध्यम र ७ जनाको अवस्था सामान्य रहेको जिल्ला प्रहरी कार्यालय बाराले जनाएको छ ।

घाइतेहरूको विवरण
जिल्ला बारा, जितपुरसिमरा उ.म.न.पा. वडा नं.७ बस्ने अ.वर्ष ३३ को शंकर गुरूङको टाउकोमा चोट ।(अवस्था गम्भीर)
हाल नाम थर वतन नखुलेको अ.वर्ष २४ को पुरूष व्यक्तिको अनुहारमा चोट ।(अवस्था गम्भीर)
जिल्ला बारा, कलैया उ.म.न.पा.वडा नं. १८ मोतिसर बस्ने अ.वर्ष २१ को कन्हैया गुप्ताको कान,अनुहार,शरिरमा चोट ।(अवस्था गम्भीर)
जिल्ला चितवन, कालिका गा.पा. वडा नं. ५ बस्ने अ.वर्ष ५५ को तिलक भट्टराईको अनुहार र छातीमा चोट । (अवस्था मध्यम)
जिल्ला मकवानपुर, हेटौडा उ.म.न.पा. वडा नं. १५ बस्ने अ.वर्ष ३५ को सागर गोलेको अनुहारमा चोट । (अवस्था मध्यम)
ऐ.ऐ.०४ बस्ने अ.वर्ष ३० को अमिर थापाको कानमा चोट ।(अवस्था मध्यम)
जिल्ला पर्सा, वीरगन्ज म.न.पा. वडा नं. ५ बस्ने अ.वर्ष ५० को दीपेन्द्र कुमार गुप्ताको पाखुरा र कन्चटमा चोट।(अवस्था मध्यम)
ऐ.ऐ.१५ बस्ने अ.वर्ष ४२ को विक्रम राना मगरको हात र गालामा चोट ।(अवस्था मध्यम)
जिल्ला बारा, गढीमाई न.पा. वडा नं. ५ बस्ने अ.वर्ष १८ को सर्वजित रामको छाती र कमरमा चोट ।(अवस्था मध्यम)
देश भारत, रक्सौल बस्ने अ.वर्ष १८ को साहिद अन्सारीको निधारमा चोट ।(अवस्था मध्यम)
जिल्ला बारा, जितपुरसिमरा उ.म.न.पा. वडा नं.३ बस्ने अ.वर्ष ३३ की जानुका ढुङ्गानाको हातमा चोट ।(अवस्था सामान्य)
.जिल्ला मकवानपुर, हेटौडा उप-महानगरपालिका वडा नं. ०९ बस्ने अ.वर्ष ५३ की गौरी श्रेष्ठको अनुहारमा चोट ।(अवस्था सामान्य)
जिल्ला पर्सा, वीरगन्ज म.न.पा. वडा नं. ६ माई स्थान बस्ने अ.वर्ष १८ को स्वयव अन्सारीको कन्चटमा चोट ।(अवस्था सामान्य)
जिल्ला मकवानपुर, हेटौडा उ.म.न.पा. वडा नं. १५ बस्ने अ.वर्ष २५ को सुमन लामा को कानमा चोट ।(अवस्था सामान्य)
जिल्ला मकवानपुर हेटौडा उ.म.न.पा. ८ बस्ने अ.वर्ष ३९ की सरस्वती काफले अनुहार चोट ।(अवस्था सामान्य)
बस सह-चालक जिल्ला पर्सा ठोरी गा.पा.२ चन्द्र बहादुरको छोरा अ.वर्ष २१ रुपेश तामाङको सामान्य चोट ।
बसको कन्टेकटर जिल्ला, चितवन कालिका न.पा. वडा नं. १० बस्ने सुम बमजमको छोरा अ.वर्ष २८ को राकेन्द्र बमजमको हातमा चोट अवस्था सामान्य ।