भरतपुरको अस्पताल रोडमा रहेको जय बुद्ध डेन्टल र बेलचोकस्थित मेरो किनमेल प्रा.लि.बीच २०८१ पौष ३ गते साझेदारी सम्झौता भएको छ। सम्झौतामा जय बुद्ध डेन्टलका प्रतिनिधि विपिन कँडेल र मेरो किनमेल प्रा.लि.का प्रतिनिधि सन्तोष कँडेलले हस्ताक्षर गरेका हुन्। यो सम्झौताको उद्देश्य ग्राहकहरूलाई गुणस्तरीय दन्त सेवा प्रदान गर्नु र स्वास्थ्यप्रति जनचेतना फैलाउनु रहेको जय बुद्ध डेन्टलका प्रतिनिधि विपिन कँडेलले बताए।
साझेदारीअनुसार, मेरो किनमेल प्रा.लिका ग्राहकहरूले जय बुद्ध डेन्टलमा सम्पूर्ण दन्त सेवामा १५ प्रतिशत छुट प्राप्त गर्न सक्नेछन्। छुट प्राप्त गर्न ग्राहकहरूले मेरो किनमेलको सदस्यता कार्ड, विशेष कोड वा सामग्री खरीद गरेको जून सुकै प्रमाण प्रस्तुत गर्नुपर्नेछ। यसमार्फत, दुबै पक्षले दन्त स्वास्थ्यलाई प्राथमिकतामा राख्दै ग्राहकहरूको सेवामा सुधार ल्याउने लक्ष्य लिएका छन्।
यो साझेदारीले ग्राहकहरूलाई थप सुविधासहित स्वास्थ्यप्रति जागरूक बनाउने अपेक्षा गरिएको छ। जय बुद्ध डेन्टलले गुणस्तरीय सेवा प्रदान गर्ने प्रतिबद्धता व्यक्त गरेको छ भने मेरो किनमेलले आफ्ना प्लेटफर्महरू—जस्तै वेबसाइट, सामाजिक सञ्जाल र अन्य माध्यमहरूबाट यो सहकार्यको प्रचार गर्नेछ। यसले ग्राहकहरूको पहुँचलाई अझ व्यापक बनाउने विश्वास गरिएको छ।
साझेदारीअन्तर्गत दुबै पक्षले सहमतिमा प्रचार सामग्री तयार गरी संयुक्त ब्रान्डिङ गर्नेछन्। जय बुद्ध डेन्टल र मेरो किनमेलका नाम तथा लोगो प्रयोग गरेर सामाजिक सञ्जाल, वेबसाइट र अन्य सञ्चार माध्यममा प्रचारप्रसार गरिनेछ। यस प्रकार, दुबै संस्थाले आफ्नो प्रतिष्ठानलाई अगाडि बढाउँदै ग्राहकहरूसँग बलियो सम्बन्ध बनाउन सक्नेछन्।
साझेदारीको अवधि दुई वर्षको हुनेछ, जसलाई आवश्यकता अनुसार दुबै पक्षको सहमतिमा थप गर्न सकिनेछ। सम्झौताका अन्य प्रावधानहरूमा गोपनीयता, दन्त सेवाको गुणस्तर र वित्तीय लेनदेनसम्बन्धी स्पष्ट व्यवस्था गरिएको छ। दुबै पक्षले सहकार्यलाई सफल बनाउन आफ्नो–आफ्नो क्षेत्रबाट पूर्ण प्रतिबद्धता व्यक्त गरेका छन्।
