कपिलवस्तु: छात्रवृत्ति र खाजाको रकम हिनामिनाका आरोपमा प्रधानाध्यापक र अध्यक्षविरुद्ध मुद्दा

अख्तियार दुरुपयोग अनुसन्धान आयोगले कपिलवस्तुको तौलिहवा नगरपालिका–८ स्थित श्री विश्वमैत्री आधारभूत विद्यालयका प्रधानाध्यापक विश्वम्भर रैदास र व्यवस्थापन समितिका अध्यक्ष दुर्गा थारूविरुद्ध भ्रष्टाचार मुद्दा दायर गरेको छ।

उनीहरूमाथि विद्यार्थीको छात्रवृत्ति, दिवा खाजा र पाठ्यपुस्तकका लागि उपलब्ध ४ लाख ४३ हजार रुपैयाँभन्दा बढी रकम हिनामिना गरेको आरोप छ। अख्तियारका प्रवक्ता राजेन्द्र कुमार पौडेलका अनुसार आर्थिक वर्ष २०७८/७९ मा नगरपालिकाबाट विद्यालयलाई प्राप्त रकममा प्रतिवादीहरूले अनियमितता गरेका थिए ।

अख्तियारले प्रतिवादीहरूले चार लाख ३४ हजार ४३० रुपैयाँ ७५ पैसा हानि पुर्‍याएको र सार्वजनिक सम्पत्तिमा गैरकानूनी फाइदा लिएको भन्दै भ्रष्टाचार निवारण ऐन, २०५९ अनुसार दाबी गरेको छ।