चितवन,चैत २२- नेपाल फोटो पत्रकार महासंघको तेस्रो केन्द्रीय महाधिवेशन राप्ती नगरपालिकामा सम्पन्न भएको छ। देशभरका फोटो पत्रकारहरूको उल्लेखनीय सहभागितामा सम्पन्न महाधिवेशनले नयाँ नेतृत्व चयन गर्दै पेशागत सुदृढीकरण, हकहित संरक्षण र प्रविधिमैत्री अभ्यासलाई प्राथमिकता दिने निर्णय गरेको छ।
महाधिवेशनको उद्घाटन प्रमुख जिल्ला अधिकारी गणेश अर्यालले गर्दै फोटो पत्रकारिता लोकतन्त्रको सशक्त स्तम्भ भएको बताए। उनले फोटो पत्रकारहरूको सुरक्षा, सम्मान र क्षमता अभिवृद्धिका लागि राज्यले ठोस नीति ल्याउनुपर्नेमा जोड दिए।
महाधिवेशनबाट अध्यक्षमा हरि प्रसाद रेग्मी, वरिष्ठ उपाध्यक्षमा सागर श्रेष्ठ, उपाध्यक्षमा दीपक ज्ञवाली र गजेन्द्र राई तथा महासचिवमा भरत ढकाल निर्वाचित भएका छन्।
सचिवहरूमा बाबुराम भण्डारी, जितलाल श्रेष्ठ, प्रविन बराल, दीपक गुरुङ, राजेश पराजुली, कोमलचन्द्र भगत र विशाल सुनार चयन भएका छन् भने कोषाध्यक्षमा निश्चल शर्मा चापागाईं निर्वाचित भएका छन्।
सदस्यहरूमा अमर बानियाँ, राहुल कुमार गुप्ता, दिलिप डल्लाकोटी, विरस बाबु साही, नसिम अन्सारी, श्रवण थापा, महेश आचार्य, सुनील पराजुली र राहुल कुमार गुप्ता चयन भएका छन्। साथै, चितवनका युवा पत्रकार नबिन पाण्डे केन्द्रीय सदस्यमा निर्वाचित भएका छन्।
समापनसँगै सहभागीहरूले पेशागत एकता मजबुत बनाउँदै फोटो पत्रकारिताको स्तर उकास्ने प्रतिबद्धता जनाएका छन्।
