‘अन्तराष्ट्रिय अंग्रेजी साहित्य महोत्सव २०१९’ मा अर्किड पुरस्कृत’

भरतपुर, चितवन । लखनऊ, भारतस्थित सिटी मन्टेश्वरी स्कूलद्वारा आयोजित ‘अन्तर्राष्ट्रिय अंग्रेजी साहित्य महोत्सव २०१९’ मा अर्किड स्कूल तथा कलेजका विद्यार्थीहरुले दुइवटा फरक विधामा द्वितीय र तृतीय स्थान हासिल गर्न सफल भएका छन् । भारतका अतिरिक्त अफ्रिका र नेपालका पचास भन्दा बढी विद्यालयबाट करीब पाँचसय विद्यार्थीहरुले विभिन्न विधामा प्रतिस्पर्धा गरेका थिए।

जसअन्तर्गत अर्किड स्कूल तथा कलेजका विद्यार्थीहरुले ‘फ्रेस्कोस’ अर्थात् ‘स्टोरी अन द वाल’ मा द्वितीय एवं ‘स्पेक्टेकल दि डान्स’ अर्थात् ‘कोरियोग्राफी’मा तृतीय स्थान हासिल गरी ट्रफी तथा प्रमाणपत्र प्राप्त गर्न सफल भएका छन्। उक्त साहित्य महोत्सव विशेषतः अंग्रेजी साहित्यकार शेक्सपियरको सम्झना एवं सम्मानमा उहाँका अमूल्य साहित्यिक कृतिहरुमा आधारित रहेको थियो। महोत्सव चारदिवसीय रूपमा आयोजना गरिएको थियो।