त्रिभुवन विश्वविद्यालय कीर्तिपुरको छात्रावासमा बसिरहेका ८० भन्दा बढी विद्यार्थीहरूका लागि आज प्राज्ञिक विद्यार्थी परिषद नेपालको समन्वय एवं मारवाडी सेवा समितिको सहयोगमा खाद्यान्न वितरण गरिएको छ ।
कोरोनाको संकटलाई न्यूनीकरण गर्न सरकारले घोषणा गरेको लकडाउनको कारण घर जान नसकेको अवस्था, बैंकहरू बन्दको कारण पैसाको अभाव आदिको कारण भोजन आदिको समस्यामा रहेका विद्यार्थीहरूको लागि विद्यार्थी परिषदद्वारा चामल, दाल, तेल लगायतको १ हप्तासम्मका लागि पुग्ने खाद्य सामाग्री विरतण गरिएको हो ।
विद्यार्थीहरूको हकहितको बारेमा ठूला ठूला भाषण गर्नेहरू यति लामो समय हुँदासम्म पनि कोहि कसैले हाम्रो बारेमा चासो नदेखाएकोप्रति सबै विद्यार्थीले गुनासो गरिरहेका थिए ।
समस्यामा परेको समयमा प्राज्ञिक विद्यार्थी परिषद नेपालले सहयोग उपलब्ध गराएकोमा सबै विद्यार्थी खुसी देखिन्थे । छात्रा छात्र दुवै छात्रावासमा खाद्य सामाग्री वितरण गरिएको थियो । लकडाउन लम्बिएमा र आवश्यकता रहेमा पुन: खाद्य सामाग्री उपलब्ध गराउन सकिने सहयोगी संस्थाले प्रतिबद्धता जनाएका छन् ।
