भरतपुर ७ मा रहेको लिटिल स्टार अंग्रेजी आवासीय माविले विपद् व्यवस्थापनबारे प्रशिक्षण दिएको छ । स्काउटको विश्व स्काफ दिवसको अवसार पारेर विद्यालयले बिहीबार विपद्को जोखिम तथा न्यूनीकरणको विषयमा प्रदर्शनी एवम् प्रशिक्षण दिइएको हो। समुदायमा विभिन्न खालका घटनाहरु हुँदा गतल तरिका अपनाउने प्रवृत्तिले क्षति बढ्दै गएकाले यसको न्यूनीकरणका लागि प्रशिक्षण राखिएको विद्यालयका प्राचार्य सुमन पौडेल बताउनु भयो ।
कार्यक्रममा भरतपुर महानगरपालिका वडा नम्बर ७ का अध्यक्ष राजेन्द्रमणि काफ्लेले विपद् व्यवस्थापनको तालिम सबैलाई आवश्यक रहेको बताउनु भयो।
इच्छाकामना गाउँपालिकाको कुरिनटारमा रहेको विपद् व्यवस्थापन तालिम शिक्क्षालयबाट आएको टोलीले आगलागी, सर्पदंस, चोटपटक, सवारी साधन दुर्घटना तथा हावाहुरीबाट हुने क्षति र त्यसबाट जोगिने उपायबारे प्रदर्शनी गर्दै प्रशिक्षण समेत दिएको थियो । विद्यालयले विद्यालयहरुका लागि विभिन्न अतिरिक्त क्रियाकलाप गर्दै आएको अवस्थामा विपद्को जोखिम र यसको न्यूनीकरणका उपायबारे प्रदर्शनी र प्रशिक्षण दिइएको प्राचार्य पौडेलले जानकारी दिनुभयो ।
उक्त कार्यक्रम विद्यालयका प्राचार्य सुमन पौडेलको अध्यक्षतामा भएको थियो भने स्वागत मन्तव्य नेपाल स्काउटका जिल्ला तालिम आयुक्त टेकबहादुर कार्कीले राखेका थिए ।
