अमेरिकन सोसाइटी अफ नेप्लिज इन्जिनियर्स संघको कार्यकारी समिति गठन भएको छ भने भर्जिनियाका ठाकुर ढकाल अध्यक्ष पदमा निर्वाचित भएका छन्। साथै ७ सदस्यीय समिति सदस्यहरुमा विभिन्न पदहरुको निर्वाचन पनि सम्पन्न भएको छ ।
सन् २००७ मा स्थापित अमेरिकामा बसोबास गर्ने नेपाली अभियन्ताहरुलाई संगठित गर्दै मातृभूमि र परदेशमा पनि अहम भूमीका र सेवा गर्दै आएको यस संघमा विभिन्न राज्यहरुमा बसोबास गर्ने सदस्यहरुनिर्देशक पदमा निर्वाचित भएका छन् ।
नेपाल मै अभियन्ता पेशामा समेत संलग्न भै अमेरिका आई उच्च अध्ययन अभियन्त्रणा(इन्जीनियरिङ्ग)गरेका र विभिन्न राज्यहरुमा रहेका नेपाली अभियन्ताहरुले मातृभूमिलाई केही गरौ भन्दै स्थापना भएको यो संस्था निकै क्रियाशील रहेको छ ।
अमेरिकन सोसाइटी अफ नेप्लिज इन्जिनियर्स संघका निर्वाचन समितिका प्रमुख कुलमणि आचार्यले आज जुलाई २ मा छापा बिज्ञप्ति जारी गर्दै गत जुन ३० ,२०२० मा सम्पन्न निर्वाचनको परिणाम सार्वजनिक गरेका छन् ।
उक्त निर्वाचन समिति सदस्यहरुमा क्रमस अंकुर शर्मा,अजय ढकाल। बिमल कार्की तथा दिपेन्द्र पोखरेल रहेका थिए । नयाँ निर्वाचित कार्यकारी समितिको पदावधि २ बर्षको हुन्छ ।
नव निर्वाचित समितिको नामावली यस प्रकार छ । ठाकुर प्रसाद ढकाल,अध्यक्ष,संजय गजुरेल उपाध्यक्ष ,सूर्य थापा,महा-सचिव,सह सचिव मदन बराल,सूचना सचिव सिर्जना खतिवडा,मंगल महर्जन,कोषाध्यक्ष रहेका छन् । समिति मै निवर्तमान अध्यक्ष उपेन्द्र लाल कर्ण रहने छन् ।
यसै गरि विभिन्न राज्यहरुबाट समाज निर्देशकमा २२ जना निर्वाचित भएका छन ।
बिस्तृत जानकारी :