काठमाडौ । नेपाली कांग्रेसको मधेशी कोटातर्फको केन्द्रीय सदस्य पदमा विनोद चौधरी निर्वाचित हुनुभएको छ । नेपालका धनाढ्य चौधरी २२०६ मत ल्याएर कांग्रेस केन्द्रीय सलस्यमा निर्वाचित हुनुभएको हो ।
बढी मत ल्याउनेमा भने अजयकुमार चौरसिया रहनुभएको छ । चौरसिया २५२२ मत ल्याएर केन्द्रीय सदस्य निर्वाचित हुनुभएको छ भने चन्द्रमोहन यादवले २१३८ मत ल्याएर केन्द्रीय सदस्य हुनुभएको छ । त्यस्तै १९५९ मत ल्याएर दिनेशकुमार यादव पनि केन्द्रीय सदस्य बन्नु भएको छ ।
यसैगरी महेन्द्रकुमार रायले १९८४ मत प्राप्त गरेर केन्द्रीय सदस्यमा निर्वाचित हुनुभएको छ । निर्वाचित ५ जना मध्ये चार जना सभापति शेरबहादुर देउवा र चन्द्रमोहन भने शेखर कोइराला पक्षका उम्मेदवार हुनुहुन्छ । चन्द्रमोहन पूर्व राष्ट्रपति डा। रामवरण यादवका सुपुत्र समेत हुनुहुन्छ ।
