काठमाडौ । नेकपा माओवादी केन्द्र र एकिकृत समाजवादी पार्टीले फेरी एक पटक नेकपा एमालेका अध्यक्ष केपी शर्मा ओलीलाई सरकारमा आउनवाट रोकेका छन् । यि दुवै पार्टीको सहयोगमा ८ महिना अघि शेरवहादुर देउवा एमाले सरकार ढालेर प्रधानमन्त्री बनेका थिए । एमसीसीबीच सत्ता साझेदार दलहरुबीच नै कुरा नमिल्दा गठबन्धन भत्कने निश्चित प्राय भएको थियो ।
तर अन्तिम समयमा आएर पासा पल्टिएको छ । अब नेकपा माओवादी केन्द्र र एकीकृत समाजवादी पार्टीले सरकार पनि नछोड्ने र एमसीसी पनि सजिलै पास हुने रणनीति अवलम्बन गरेका छन् । उनीहरुले त्यसको जानकारी देउवालाई गराएका छन् । एमसीसीकै कारण देउवा र ओलीको निकटता बढेको र देउवाले ओलीलाई सरकारमा आउन निम्ता समेत दिए पछि गठबन्धन दलहरुले नयाँ उपाय अपनाएका हुन् ।
अब उनीहरुले एमसीसी अनुमोदनका लागि निर्णयार्थ पेश गर्दा अनुमोदनका लागि सहज वातावरण बनाउन संसद बहिष्कार गर्ने छन् । यसो गर्दा देउवाले संसदमा उपस्थित सांसदको संख्याका आधारमा एमसीसी पास हुने सांसदको संख्या पुर्याउने छन् । माओवादीले यसवारे औपचारीक निर्णय लिएसकेको छ । सम्भवतः संसदको आगामी बैठकमा एमसीसी अनुमोदन हुन्छ ।’
एकिकृत समाजवादी यस अघि नै एमसीसीको विपक्षमा रहेपछि सरकार नछोड्ने पक्षमा थियो । प्रतिनिधिसभा बैठक आउँदो १५ गतेका लागि बोलाइएको छ ।