निराज रानाभाट , चितवन : चितवन जिल्लाको भरतपुरमा कार्यालय रही देशभरनै डिजिटल मार्केटिङ सेवाहरु प्रदान गर्ने कम्पनी एस.डि टेक कम्पनीले साना तथा मझौला उद्यमीहरूको लागि एक दिने नि:शुल्क डिजिटल मार्केटिङ सम्बन्धि सेमिनार सम्पन्न भएको छ ।
साना तथा मझौला उद्यमीहरूलाई डिजिटल मार्केटिङको महत्त्व बुझाउन तथा प्रयोग गर्न सिकाउने उद्देश्यले सेमिनार आयोजना गरिएको थियो । सेमिनारमा सहभागीहरुलाई आफ्नो व्यवसाय प्रवर्द्धनका लागि सामाजिक संजालको प्रयोग , गूगल बिजनेस प्रोफाइल , बेसिक ग्राफिक डिजाइनिङ्ग , व्यवसायमा वेबसाइटको प्रयोग , आदि डिजिटल मार्केटिङको प्रयोग बारेमा तालिम दिइएको थियो ।
एस.डि टेक कम्पनीको सहायक कम्पनी अवसर एकेडेमीले आयोजना गरेको वर्कशपमा एस.डि टेक कम्पनी , नारायणी वेब टेक्नोलोजी र भी ग्रुप कम्पनीका प्रतिनिधिहरुले तालिम प्रदान गरेका थिए ।
कार्यक्रममा विभिन्न स्थानबाट ३० जना सहभागी भएका थिए । कार्यक्रममा सहभागी भएका सबैले समय सान्दर्भिक भएको बताए । कार्यक्रमको मिडिया पाटनरमा` नारायणी प्रेस ´रहेको थियो ।
