विप्लव समुहको बन्द : चितवनमा आंशिक प्रभाव । सडकमा फाट्फुट्ट सवारी, बजार पसल बन्द ।

साउन १५ । चितवन ।
नेत्र विक्रम चन्द विप्लव नेतृत्वको नेकपाले आह्वान गरेको बन्दका कारण चितवन सहित १५ जिल्लाको जनजिवन प्रभावित भएको छ । चितवनबाट छुट्ने लामो तथा छोटो दुरीका सवारी साधनहरु फाट्फुट् चलेका छन भने बजार पसल बन्द छन । चितवनका मुख्य बजारहरु नारायणढ, भरतपुर, रामपुर, गीतानगर सहित पूर्वी चितवन टाँडी, पर्सा लगायतका बजार बन्द छन । सडकमा निजी सवारी र मोटरसाइकलहरु चलेका छन भने अटो तथा ई रिक्साहरु सञ्चालन भएका छन ।

पार्टीका केन्द्रीय सदस्य एवम उपत्यका ब्युरो ईन्चार्ज माइला लामा पक्राउको बिरोधमा सो पार्टीले बन्दको आव्हान गरेको हो । वाग्मती, नारायणी ब्युरो सहित जनकपुर ब्युरो अन्तर्गतका जिल्ला बन्दको आव्हान गरेको नेकपाले जनाएको छ । नेकपाले लामा सहित सम्पूर्ण नेता कार्यकर्ताको बिना सर्त रिहाईको माग गरेको छ । जनकलाकार एवम उपत्यका ब्युरो ईञ्चार्ज लामालाई साउन ४ गते काँडाघारीबाट प्रहरीले पक्राउ गरेको थियो । एनसेलमा बम बिष्फोट लगायतका मुद्धामा लामा नख्खु कारागार चलान भएका छन ।