सडक बोर्डको गैंडाकोटमा रहेको ढाँटले सबै निजी कार र जीप सबारी धनीहरुलाई पाँच दिनभित्र पास दिने भएको छ । त्यसैगरी गैंडाकोटका सबै मोटरसाइकललाई पास नचाहिने सहमतिसमेत भएको छ । ढाँट हटाउ संघर्ष समितिले केही हप्तादेखि वार्ता र आन्दोलनलाई अगाडि बढाइरहेको थियो ।
यसैबीचमा हिजोबाटै नयॉ संझौता भई गैंडाकोट बेटानिक मौलाकालिकाले ठेक्का लिएपछि वातावरण सौहार्द बनेको हो । नगरपालिकामा संकलन भएका सबै सवारी धनीहरुको विवरण गैंडाकोट बेटानिक मौलाकालिकाका प्रतिनिधी प्रकास सापकोटालाई गैंडाकोट वडा नं ११ का वडाध्यक्ष एवम् संघर्ष समितिका संयोजक गोविन्द प्रसाद सुबेदी, वडा नं ५ का वडाध्यक्ष नवराज कंडेल, संघर्ष समितिका सदस्य कृष्ण पाण्डे र सदस्य सचिव गोविन्द रिमालको रोहबरमा बुझाइएको हो । यस क्रममा सहयोग पुर्याउनु हुने समग्र नगरबासीलाई ढाँट हटाउ संघर्ष समितिको तर्फबाट धन्यवाद ज्ञापन गरिएको सदस्य सचिव रिमालले जानकारी दिनुभयो ।
