चितवन जिल्ला प्रशासन कार्यालयले भोलि अर्थात सोमबार देखि चितवन जिल्लाको थप सुरक्षा चुनौती थपिएको भन्दै सुरक्षामा कडाई गर्ने भएको छ। आज राति सकिएको बैठकले गरेको निर्णय अनुसार स्थानीय प्रशासन ऐन २०२८ प्रयोग गर्दै भली सोमबार विहान ६ बजेदेखी अर्को घोषणा नभएसम्मका लागि चार वटा ईलाकामा पाँच जना भन्दा बढी व्यक्ति एकै ठाउँमा भेला नहुन आदेश गरेको हो ।
प्रशासनले तोकेको चार किल्ला भित्र हुलदंगा, अशान्ति पैदान गर्न खोजे कडा कारवाही गरिने चितवनका प्रमुख जिल्ला अधिकारी जितेन्द्र बस्नेतले बताएका छन । हेर्नुहोस यो बिज्ञप्ति:
निषेधित चार किल्लाहरु:
पुर्व: आन्तरिक राजस्व कार्यालय चोक देखि घरेलु कार्यालय चोक सम्म ।
पश्चिम: सप्तगण्डकी अस्पताल चोक देखि चौविस कोठी सम्म ।
उत्तर: बाईपास सडक तर्फको आन्तरिक राजस्व कार्यालयको चोक देखि भरतपुर अस्पताल , पुरानो मेडिकल जाने चोक , नारायणी मा.वि चोक, कृषि ज्ञानकेन्द्र हुँदै पुर्व पश्चिम लोकमर्ग तर्फको चौविसकोठी सम्म।
दक्षिण: घरेलु कार्यालयको चोक देखि दूरसञ्चारचोक हुँदै सप्तगण्डकी अस्पताल चोक सम्म।
