सुरक्षा निकायका प्रमुखहरु र उद्योगीहरुबीच परिचयात्मक कार्यक्रम सम्पन्न

भरतपुर/सुरक्षा निकायका प्रमुखहरु र उद्योगीहरुबीच परिचयात्मक कार्यक्रम सम्पन्न भएको छ । चितवन उद्योग संघका अध्यक्ष एवं नेपाल उद्योग परिसंघका राष्ट्रिय परिषद् सदस्य भेषराज दुवाडीको सभापतित्वमा सम्पन्न कार्यक्रममा शसस्त्र प्रहरी बल नेपाल नं. १७ गण चितवनका सशस्त्र प्रहरी उपरीक्षक खेमबहादुर थापा, औद्योगिक सुरक्षा गुल्म नं. २३ का सशस्त्र प्रहरी नायव उपरीक्षक विनोद खतिवडाको विशेष उपस्थिति रहेको थियो ।
परिचयात्मक कार्यक्रममा चितवन उद्योग संघका निवर्तमान अध्यक्ष भीमबहादुर पाण्डे, चितवन उद्योग संघका बरिष्ठ उपाध्यक्ष राजु पौडेल, संघका उपाध्यक्ष एवं औद्योगिक साकोसका अध्यक्ष त्रिलोचन कँडेल, उपाध्यक्षद्वय लक्ष्मण प्रसाद अर्याल, मदन घिमिरे, चितवन उद्योग सघका कार्यसमिति सदस्य मदन चिरञ्जीवि पोखरेल, दुर्गाप्रसाद भण्डारी, बिष्णुप्रसाद पौडेल, ताराबहादुर कार्की, चि.उ.संघका सदस्य एवं रत्ननगर इकाई समितिका संयोजक गजेन्द्र अधिकारी, का.स.स जितबहादुर हमाल, राशी लामा, युग राज वस्ती, गोपालप्रसाद गैरे, डा.प्रमोद लामिछाने, चि.उ.संघका सदस्य एवं कालीका इकाई समितिका संयोजक प्रकाशचन्द्र भट्टराई, का.स.स. हरिप्रसाद भट्ट, ईश्वरीप्रसाद रिजाल, चितवन उद्योग संघ इच्छाकामना इकाई समितिका संयोजक अमरबहादुर अधिकारी, चितवन उद्योग संघ महिला उद्यमी मञ्चका संयोजक सुधा सुवेदी पौडेललगायतको उपस्थिति रहेको थियो ।
चितवन उद्योग संघका अध्यक्ष एवं कार्यक्रमका सभापति भेषराज दुवाडीले स्वागत मन्तव्य सहित संघको पृष्ठभुमि, उद्देश्य माथि प्रकाश पार्नुभएको थियो । कार्यक्रममा शसस्त्र प्रहरी बल नेपाल नं. १७ गण चितवनका सशस्त्र प्रहरी उपरीक्षक खेमबहादुर थापाले चितवनमा सञ्चालनमा रहेका उद्योगहरुको औद्योगिक सुरक्षाको लागि आफ्नो संस्थाबाट आवश्यक सहयोग रहने बताउनुभयो । उहाँले चितवन उद्योग संघसँग आफूहरु सहकार्य गरेर अघि बढ्ने समेत बताउनुभयो । त्यस्तै औद्योगिक सुरक्षा गुल्म नं. २३ का सशस्त्र प्रहरी नायव उपरीक्षक विनोद खतिवडाले चितवन उद्योग संघले उद्योगीहरुसँग परिचय गराउने मौका दिएकोमा धन्यवाद समेत दिनुभयो । उहाँले आफू औद्योगिक सुरक्षाको लागि यहाँ आएको हुँदा उद्योगमा हुने समस्याहरुलाई सुचना गरी सहयोग गरिदिनुहुन समेत आग्रह गर्नुभयो । परिचयात्मक कार्यक्रमलाई चितवन उद्योग संघका वरिष्ठ उपाध्यक्ष राजु पौडेलले धन्यवाद मन्तव्य सहित समापन गर्नुभएको थियो ।

कार्यकारी निर्देशकलाई स्वागत ः
चितवन उद्योग संघका नवनियुक्त कार्यकारी निर्देशक गणेशप्रसाद सिलवालसाई सोही अवसरमा स्वागत समेत गरिएको थियो । संघका अध्यक्ष भेषराज दुवाडी लगायत पदाधिकारी एवं कार्यसमिति सदस्यहरुले उहाँलाई स्वागत गर्नुभएको हो ।