भरतपुर/चितवन उद्योग संघ महिला उद्यमी मञ्चकी सह–संयोजक, विशेष कार्यव्यवस्था समितिका निर्देशक एवं चितवन औद्योगिक साकोसकी शेयर सदस्य पार्वती कुँबरकी ममतामयी माता बिष्णुमाया सुवेदीज्यूको ७० बर्षको उमेरमा भएको दुःखद निधनले चितवन उद्योग संघ परिवारलाई स्तब्ध बनाएको छ । उहाँको निधनबाट संघले एक अभिभावक गुमाएको छ । शोकको यस घडीमा दिवंगत आत्माको चिरशान्तीको कामना गर्दै धैर्यधारण गर्न सक्ने शक्ति सबैमा प्राप्त होस् भनी शोकसन्तप्त परिवारजनमा चितवन उद्योग संघले हार्दिक समवेदना प्रकट गरेको छ ।
समवदेना प्रकट कार्यक्रममा चितवन उद्योग संघका उपाध्यक्ष एवं चितवन औद्योगिक साकोसका अध्यक्ष त्रिलोचन कँडेल, कार्यकारी निर्देशक गणेश प्रसाद सिलवाल, कार्यसमिति सदस्य दुर्गाप्रसाद भण्डारी, गोपाल प्रसाद गैरे, ईश्वरीप्रसाद रिजाल, नेपाल घरेलु तथा साना उद्योग महासंघ महिला उद्यमी मञ्चकी क्षेत्रीय अध्यक्ष तारादेवी काफ्ले, चितवन उद्योग संघ महिला उद्यमी मञ्चकी अध्यक्ष सुधा सुवेदी पौडेल, संघका प्रशासकीय अधिकृत गोविन्द प्रसाद पौडेल, परियोजना व्यवस्थापक रोचक अधिकारी, चितवन औद्योगिक साकोसका व्यवस्थापक प्रमिला थापा, सञ्चार अधिकृत राजु भट्टलगायतको उपस्थिति रहेको थियो ।
