नयाँ सोच भएका नव उद्यमीलाई व्यवसाय गर्न सहयोग गर्ने तथा उद्यमशीलता विकासका कार्यमा संलग्न सरोकारवालाहरुको सञ्जाल विस्तार, विकास, र ‘स्टार्टअप इकोसिस्टम’ संस्थागत गर्नमा सघाउने उद्धेश्यले चितवनमा प्रथम आई क्यूव चितवन, नव उद्यमी हाट बजार कार्यक्रम मिति २०७६/०६/१० गते शुक्रबार दिउंसो ४ बजे बाट ७ बजे सम्म उद्योग वाणिज्य संघ-चितवनमा आयोजना गरीएको थियो ।
उद्योग वाणिज्य संघ-चितवन , अन्तरप्रेरणा प्रा। लि। , नेपाल कम्युनिटर, प्रेसिडेन्सी कलेज र युवा उद्यमी मञ्चको सहकार्यमा चितवनमा उद्यमशिलताको विकासको लागि इन्कुवेसन सेन्टरको स्थापना उद्योग वाणिज्य संघ-चितवनको सचिवालयमा गरिएको थियो ।
आई क्यूव कार्यक्रम अन्तर्गत यो नव उद्यमी हाट बजार आयोजना गरी युवा उद्यमीलाई बजारीकरण, ग्राहकको प्रतिकृया बुभन, बजारमा आफ्ना उत्पादनका बारेमा जानकारी लिन, संभाबित लगानीकर्ता खोज्ने उद्धेश्यले यो कार्यक्रम आयोजना गरीएको आयोजक सन्तोष कंडेल ले जानकारी दिनु भयो ।
नव उद्यमी हाट बजार कार्यक्रममा बिभिन्न ब्यबसायीका २५ वटा स्र्टटप स्टल राखिएको थियो । आई क्यूव कार्यक्रम अन्तर्गत ८ वटा स्र्टटप र अन्य १७ वटा स्र्टटप स्टल रहेका थिए । उक्त कार्यक्रममा १५० भन्दा बढी सहभागीहरुले स्टलहरु अवलोकन गर्नूभएको थियो ।
इन्कुवेसन सेन्टरले उद्यमीहरुको सशक्तिकरण र उनीहरुको व्यवसायलाई सहयोग गर्ने कार्य गर्ने छ । सो उद्देश्य प्राप्तिकालागि उद्यमीहरुलाई मेन्टर, लगानीकर्ता र सरोकारवालाहरुसम्म जोड्ने काम गर्दछ ।
तस्बिरहरु:
