म्याद नाघेको राहत सामाग्री प्याकिङ गरी बिक्री गर्ने न्यू बि.के. स्टोरलाई ३ लाख रुपैया जरिवाना

चैत्र २८, काठमाडौं नागार्जुन न.पा. ४, सोल्टिदोबाटो स्थित न्यू बि.के. स्टोरलाई वाणिज्य, आपूर्ति तथा उपभोक्ता संरक्षण विभागले ३ लाख रुपैया जरिवाना गराएको छ।

आज गरिएको नियमित अनुगमनको क्रममा सो पसलले राहातकाे सामग्रीमा म्याद नाघेकाे सामान प्याकिङ गरी बिक्री गरेकाे पाइएकाले उपभोक्ता संरक्षण ऐन २०७५ को १६ (२) (ठ)(ड) ३८ (ङ) काे कसुरमा ३९ (ख) वमोजिम रु ३ लाख जरिवाना गरिएको हो। वाणिज्य, आपूर्ति तथा उपभोक्ता संरक्षण विभागले दैनिक बजार अनुगमन गर्दै कालोबजारि गर्ने ब्यापारिलाई कारबाही गर्दै आएको छ।