काठमाडौं । सरकारले लकडाउन अवधि ५ जेठसम्म थप्ने निर्णय गरेको छ ।
प्रधानमन्त्री निवास बालुवाटारमा बुधबार बसेको मन्त्रिपरिषद् बैठकले लकडाउन ५ जेठसम्म लम्ब्याउने निर्णय गरेको हाे ।
कोरोना संक्रमितको संख्या बढ्दै गएपछि सरकारले थप १० दिन लकडाउनलाई निरन्तरता दिने निर्णय गरेकाे हाे । बुधबार पाँचौंपटक लकडाउन अवधि थपिएकाे हाे ।
कोरोना फैलन नदिंन सरकारले चौंथो पटक थपेको लकडाउन अवधि बिहीबार सकिँदै थियो ।
सरकारले लकडाउनमा अझ कडाइ गर्ने निर्णय समेत गरेको छ ।
सरकारले पहिलोपटक ११ चैतदेखि एक साता लकडाउन घाेषणा गरेकाे थियो ।
मन्त्रिपरिषद् बैठकले भारतसँग जोडिएका सीमानाका बन्द गर्ने निर्णय यथावत राखेको छ । ती मन्त्रीका अनुसार सीमा नाकामा अझ कडाइ गरिनेछ ।
मंगलबार बसेकाे काेराेना राेकथाम तथा उच्चस्तरीय समितिले लकडाउन यथावत राख्न सरकारलाई सिफारिस गरेकाे थियाे । साे बैठकमा प्रधानमन्त्री केपी शर्मा अाेली पनि सहभागी थिए ।
नेपालमा अहिलेसम्म ८२ जनामा काेराेना संक्रमण देखिएकाे छ । तीमध्ये २२ जनाले काेराेनालाई जितेका छन् । निकाे भएकामध्ये पनि ३ जनालाई थप परीक्षण गर्न भन्दै फेरि अस्पताल भर्ना गरिएकाे छ ।
सा: सनराइज खबर
