निर्मल धिताल।भरतपुर
बिश्वब्यापी रुपमा फैलिएको कोभिड-१९ को कारण अधिकांश संक्रमित मुलुकहरुमा लक डाउन ( बन्दाबन्दी)को अवस्था कायमै छ।त्यसैगरी,नेपालमा पनि लक डाउन भएको २ महिना पनि नाघिसकेको छ।
सबै क्षेत्रमा यसको असर उत्तिकै छ, अझ यो बन्दाबन्दीले गर्दा विद्यार्थी चर्को मारमा परेका छ्न। विभिन्न जिल्लाबाट उच्च शिक्षाका लागि शहर झरेर डेरामा बस्ने विद्यार्थीहरुलाई त झन थेगिनसक्नु भएको छ ।
कलेज फी र कोठा भाडा कसरी तिर्ने भनेर विद्यार्थी सार्है चिन्तित छ्न । म निर्मल धिताल, म पनि भरतपुर -११ मा डेरामा बसेको छु। हाल म स्नातक दोश्रो बर्ष सप्तगन्डकी बहुमुखी क्याम्पसमा अध्ययनरत छु। मेरा अधिकांश साथिहरु पनि डेरामा बस्ने गर्छ्न , अब लक डाउन (बन्दाबन्दी)को बेला हाम्रो समान त कोठामा होला, तर ढोकामा भने भोटे ताल्चा ठोकिएको छ।
म एउटा विद्यार्थी भएको नाताले सबै डेरामा बस्ने विद्यार्थीको आवाजलाई प्रतिनिधित्व गर्दै,यो लक डाउन अवधीको कोठाभाडा मिनाहा गर्नु हुन अनुरोध गर्दछु।सम्बन्धीत निकायले विद्यार्थीको हितमा केही कदम चाल्ने छ भन्ने आशा गरेको छु ।
