नेपालका लागि फोर्स मोटर्सको आधिकारिक आयातकर्ता तथा बितरक आयाम इन्टरकन्टिनेन्टल प्रालिले कोरोना महामारीका बेला स्थिति सहज बनाउने उद्देश्यले आफ्ना ग्राहकहरुका लागि बृहत प्याकेज योजना ल्याएको छ ।
उक्त योजना अन्र्तगत फोर्स कम्पनीको विभिन्न मोडलको गाडी खरिद गरिसकेपछि ग्राहकहरुले बैंक/फाइनान्समा तिर्नु पर्ने १ बर्ष सम्मको किस्ता रकम कम्पनीले नै तिरिदिने छ । साथै १ लाख रुपैयाँ सम्मको नगद छुट दिने भएको छ ।
आयाम इन्टरकन्टिनेन्टल प्रालिले बिगत ६ बर्षदेखि फोर्स मोटर्सको बिभिन्न मोडलका गाडीहरुको आयात तथा बिक्री/वितरण गर्दै आएको छ ।
उक्त कम्पनीले सबैभन्दा धेरै अर्थात १४ सिट क्षमता भएको जिप र ३ बर्ष वा ३ लाख किमीको इन्जिन वारेन्टी भएको मर्सिडिज बेन्ज इन्जिन जडित जिप तथा पिकअप, डेलिभरी भ्यान, बस आदि गाडीहरुको आयात तथा बिक्री–बितरण गर्दै आएको रेयन मोटर्स प्रा लिका म्यानेजर बिमल पौडेलले बताउनु भयो।
यो योजना यहि २०७७ को असार मसान्त भित्रमा खरिद वा बुकिङ गर्ने ग्राहकहरुका लागि मात्र लागु हुने कम्पनीले बताएको छ ।
चितवनको लागि आयाम इन्टरकन्टिनेन्टल प्रालिको आधिकारिक वितरक रेयन मोटर्स प्रा लि रहेको छ।
