काठमाण्डौ ११चैत। शुक्रवार साँझ कपिलवस्तु महोत्सवमा दर्शक सवार डुंगा पिङ दुर्घटना हुँदा १४ जना घाइते भएका छन् । दुर्घटनामा ३ जना गम्भीर घाइते भएका छन् ।जिल्ला प्रहरी कार्यालय कपिलवस्तुका प्रहरी उपरीक्षक दानबहादुर कार्कीले गम्भीर घाइतेको उपचारको लागि बुटवल लगिएको बताए।
गम्भीर घाइते हुनेमा बाणगंगा नगरपालिका वडा नम्बर १ का अर्जुन क्षेत्री , सिर्जना थारु र कपिलवस्तु नगरपालिका वडा नं। ९ का आकृति खनाल रहेका छन् । यसै गरी सामान्य घाइते हुनेमा शितगंगा नगरपालिका २ मनीषा क्षेत्री, बाणगंगा नगरपालिका वडा नं।४ का आशिका बिसी, अञ्चल पुन, बम बहादुर क्षेत्री, वडा नं।८ का सीमा खत्री, महिमा चौधरी, सिर्जना सुनार, वडा नं। ९ का कृष्ण घर्ती मगर रहेको प्रहरीले जनाएको छ ।
तपाईको प्रतिक्रिया
