गोरखा — शिक्षा र सामाजिक उत्तरदायित्वप्रति समर्पित रहँदै गोरखा केराबारी काठमाडौं सम्पर्क समाज ले सिरानचोक–१, केराबारीका तीन विद्यालयका उत्कृष्ट विद्यार्थीहरूलाई प्रोत्साहनस्वरूप सम्मान गर्ने ऐतिहासिक निर्णय गरेको छ।
समाजले “गोरखा सिरानचोक केराबारीमा” भन्ने गीतको युट्युबलगायतका माध्यममार्फत आर्जित रकमबाट यो कार्यक्रम सञ्चालन गर्ने निर्णय गरेको हो।
कार्यक्रमअन्तर्गत — श्री नेपाने माध्यमिक विद्यालय – नेपाने, श्री जीवन आधारभूत विद्यालय – केराबारी, श्री महेन्द्र ज्योति आधारभूत विद्यालय – भिर्सिङ मा अध्ययनरत शैक्षिक सत्र २०८२ का सर्वोत्कृष्ट (Topper) विद्यार्थीहरूलाई जनही रु. ५,००० का दरले शैक्षिक पुरस्कार प्रदान गरिनेछ।
त्यसैगरी, श्री नेपाने माध्यमिक विद्यालयबाट २०८२ सालको SEE परीक्षामा सर्वाधिक अंक ल्याउने विद्यार्थीलाई विशेष सम्मानसहित रु. ५,००० पुरस्कार प्रदान गरिने निर्णय गरिएको छ।
समाजको यो निर्णयले गाउँका विद्यार्थीहरूमा शैक्षिक उत्कृष्टताको भावना जगाउने र समुदायप्रतिको उत्तरदायित्व निर्वाह गर्ने सन्देश दिएको छ।
सम्पर्क समाजका पदाधिकारीहरूले यस कार्यक्रमलाई निरन्तरता दिँदै शिक्षा क्षेत्रमा अझ प्रभावकारी योगदान पुर्याउने प्रतिबद्धता व्यक्त गरेका छन्।
भिडियो
