प्राज्ञिक विद्यार्थी परिषद् नेपालको स्थापना दिवस तथा रजत जयन्ती वर्षको स्वागतार्थ बृहत रक्तदान कार्यक्रम सम्पन्न गरेको छ । देशभरका २५ केन्द्रहरु काठमाडौ ,त्रिभुवन विश्वविद्यालय केन्द्रीय क्याम्पस कीर्तिपुर,भरतपुर ,गैंडाकोट ,पोखरा ,दमौली ,कुश्मा,बिराटनगर ,जनकपुर ,बर्दिवास,वीरगन्ज ,भैरहवा ,घोराही ,वीरेन्द्रनगर,अत्तरिया,धनगढी ,जुम्ला ,महेन्द्रनगर ,डडेलधुरा लगायतका इकाईमा रक्तदान कार्यक्रम आयोजना गरिएको विद्यार्थी परिषदका राष्ट्रिय सचिव तथा वाग्मती प्रदेश संगठन सचिव छितराज न्यौपानेले जानकारी दिनु भयो ।
विद्यार्थी परिषदले रजत जयन्ती वर्ष भरी एक संकल्प राष्ट्रका लागि भन्ने मुल नराका साथ विभिन्न कार्यक्रमको घोषणा गरेको थियो। मंसिर २४ को रक्तदान कार्यक्रममा सम्पूर्ण विद्यार्थी परिषदका पदाधिकारीहरु विभिन्न इकाईमा सकृयरूपमा खटिएका र देशभर गरिएको रक्तदानमा एक हजार भन्दा बढी पिन्ट रगत संकलन भएको सचिब न्यौपानेले बताउनु भयो ।
विद्यार्थी परिषदले रजत जयन्ती वर्षको अवसरमा बर्षभरी विभिन्न गतिविधि ,राष्ट्रिय छात्रा वर्ग पौष १७,१८र १९ भैरहवा ,मिसन साहसी पौष महिनामा देशभर ,मिडिया कार्यशाला माघको ३ र ४ गते काठमाडौ ,आठौं राष्ट्रिय अधिवेशन चैत २०,२१ र २२ विराटनगर , देशभर महापुरुष परिचय राष्ट्रिय महाअभियान, प्रदेश केन्द्रहरुमा र्याली, क्याम्पस इकाई निर्माण अभियान ,विद्यार्थी सम्पर्क अभियान जस्ता विद्यार्थी हित,समाज हित र राष्ट्र हितका विभिन्न अभियान एवं गतिविधि विद्यार्थी परिषदले संचालन गर्ने छ ।
