देउसी भैलो खेलेर संकलन गरेको रकमले शैक्षिक सामग्री बितरण

प्राज्ञिक विद्यार्थी परिषद, नेपाल गैडाकोट नगर इकाई र भरतपुर महानगर इकाईले आज गैडाकोटको भुजेल गाऊका विद्यार्थीहरुलाई सहयोग गरेको छ । भुजेल गाऊको नवनिर्मित जुना प्राबिमा भएको कार्यक्रममा ४६ जना विद्यार्थीलाई साठी हजार बराबरको शैक्षिक सामग्री तथा स्विटर र टोपी वितरण गरिएको थियो ।

सहयोग हस्तान्तरण कार्यक्रममा बिद्यार्थी परिषदका राष्ट्रिय उपाधक्ष्य डा गोपीनाथ कंडेल प्रमुख अतिथि , गैंडाकोट वडा न ३ अध्यक्ष शिव तिवारी विसिस्ठ अतिथि, बिद्यार्थी परिषदका राष्ट्रिय संगठन सचिब नारायण प्रसाद ढकाल , गैंडाकोट नगर व्यवस्था प्रमुख रामचन्द्र आचार्य , परिषदका बिशेष आमन्त्रित सदस्य राजु सापकोटा , बिध्यालय ब्यबस्थापन समितिका अध्यक्ष, गुरुवर्ग साथै अविभावकको उपस्थिति रहेको थियो। देउसी भैलो खेलेर संकलन गरेको रकमले शैक्षिक सामग्री बितरण गरेको कार्यक्रम संयोजक तथा परिषदको केन्द्रिय सदस्य वर्षा सापकोटाले बताउनु भयो ।

सेवा कार्यमा विद्यार्थी परिषद,नवलपुर जिल्लाकाे भुजेल गाउँमा आर्थिक रूपले विपन्न समुदायका वालवालिकाहरूलाई प्राज्ञिक विद्यार्थी परिषद नेपाल भरतपुर र गैडाकाेट इकाई समितिकाे प्रयासमा शैक्षिक सामाग्री र न्यानाे पाेसाक वितरण गर्नु उधारणिय काम गरेको भन्दै संगठन सचिब ढकालले प्रसंशा गर्नु भयो ।