सृजन घिमिरे / चैत्र २८, काठमाडौं, लकडाउनको समयमा कालोबजारि गर्ने ब्यापारि बिरुद् सरकार आक्रामक भएको छ। उपभोक्ता ठग्ने, ग्यास लुकाउने, म्याद गुज्रेको खाद्यान बेच्ने फर्ममा तत्काल अनुगमन गरी कारबाही गरिएको छ। आजै मात्र ३ फिर्मलाई कुल ७ लाख जरिवाना गरिएको वाणिज्य, आपूर्ति तथा उपभोक्ता संरक्षण विभागले जनाएको छ।
का.म.न.पा. १४ कलंकीमा रहेकाे चितवन खाद्य स्टाेर्सलाइ उपभोक्ता संरक्षण ऐन २०७५ को १६ (२) (च) वमाेजिमकाे क्रियाकलाप गरेकाे तथा ३८ (ङ) काे कसुरमा ३९ (ख) वमोजिम रु २ लाख जरिवाना गरिएको छ भने नयाँ बानेश्वर शंखमुलमार्गमा रहेकाे आइकालु मासु पसलमा खसीकाे मासु रु १८०० लिइ बिक्री गरेकाे पाइएकाले उपभोक्ता संरक्षण ऐन २०७५ को १६ (२) (क) ३८ (ङ) काे कसुरमा ३९ (ख) वमोजिम रु २ लाख जरिवाना गरिएको छ। त्यस्तै नागार्जुन न.पा. ४ बाफल सितापाइलामा न्यू बि. के. स्टाेरले पनि राहातकाे सामग्रीमा म्याद नाघेकाे सामान प्याकिङ गरी बिक्री गरेकाे पाइएकाले उपभोक्ता संरक्षण ऐन २०७५ को १६ (२) (ठ)(ड) ३८ (ङ) काे कसुरमा ३९ (ख) वमोजिम रु ३ लाख जरिवाना गरिएको छ।
कसैले कालोबजारि गरेको भए पैसा नलाग्ने हटलाइन नम्बर ११३७ मा जानकारी गर्न वा वाणिज्य, आपूर्ति तथा उपभोक्ता संरक्षण विभागको वेबसाइट मार्फत उजुरी गर्न अनुरोध गरिएको छ।
p
