पिक अप भेनको ठक्करबाट बालकको मृत्यु

६ जेठ, झापा । पिकअप भेन (छोटा हात्ती) को ठक्करबाट झापाको बिर्तामोडमा एक बालकको मृत्यु भएको छ । आज बिहान ८ बजे बिर्तामोड नगरपालिका–१० स्थित सैनिकमोडबाट बजारतर्फ जाँदै गरेको मे १ च ५६०२ नम्बरको छोटा हात्तीले सोही स्थानका धिरेन राईका चार वर्षीय छोरा सुदेन राईलाई ठक्कर दिएको इलाका प्रहरी कार्यालय अनारमनीका प्रमुख प्रहरी नायब उपरीक्षक मुकुन्द रिजालले जानकारी दिनुभयो ।

उहाँका अनुसार घाइते भएका राईलाई उपचारको लागि बिर्तामोडस्थित बिएण्डसी अस्पताल लैजाने क्रममा बाटोमा नै मृत्यु भएको हो । सवारी साधन र चालकलाई प्रहरीले नियन्त्रणमा लिएको छ ।