लोकप्रिय स्वदेशी पेन्ट ब्रान्ड टाटा पेन्ट्स एण्ड केमिकल इन्डस्ट्रिज प्रा.लि. ले नायिका तथा मोडल सृष्टी खड्का लाई आफ्नो ब्रान्ड एम्बेसडरको रूपमा नियुक्त गरेको छ।
कम्पनीका प्रबन्ध निर्देशक प्रकाश आचार्यका अनुसार नायिका खड्कालाई तीन वर्षका लागि ब्रान्ड एम्बेसडरको रूपमा नियुक्त गरिएको हो। खड्काको लोकप्रियताले टाटा पेन्ट्सको ब्रान्ड पहिचान र सन्देश उपभोक्ता सम्म अझ सशक्त रूपमा फैलिने अपेक्षा कम्पनीले गरेको छ।
नेपालमै पहिलो पटक १३ वर्षको ग्यारेन्टी सहितका पेन्ट उत्पादन गर्दै आएको टाटा पेन्ट्सले अन्तर्राष्ट्रिय स्तरको गुणस्तर प्रदान गर्दै नेपाली उपभोक्ताको विश्वास जित्दै आएको छ।
“हामी रंगान्छौं नेपाललाई” भन्ने मूल नाराका साथ टाटा पेन्ट्स एण्ड केमिकल इन्डस्ट्रिज प्रा.लि.ले विगत २२ वर्षदेखि निरन्तर सेवा प्रदान गर्दै आएको छ। त्यस्तै आईएसओ र नेपाल गुणस्तर चिन्ह प्राप्त यस कम्पनीले आफ्ना उत्पादनहरूमा ७, १० तथा १३ वर्षको ग्यारेन्टी दिँदै आएको छ, जसले स्वदेशी पेन्ट उद्योगमा टाटा पेन्ट्सलाई एक मजबुत र विश्वासिलो ब्रान्डको रूपमा स्थापित गरेको छ।
