जेसीज विकास रनिङ शिल्ड राष्ट्रिय फुटबल प्रतियोगिता असोज ३० बाट सुरु हुने
चितवनमा जेसीज विकास रनिङ शिल्ड राष्ट्रिय फुटबल प्रतियोगिता आगामी असोज ३० गतेदेखि हुने भएको छ।
नारायणगढको क्याम्पाचौरमा कात्तिक ९ गतेसम्म प्रतियोगित सञ्चालन हुने छ। प्रतियोगितामा ए डिभिजनका फुटबल टिमसहित १० टिम सहभागी हुनेछन्। प्रतियोगिताबारे जानकारी दिन सोमबार आयोजना गरिएको पत्रकार सम्मेलनलमा प्रतियोगिताको विजेतालाई ६ लाख ६६ हजार ६ सय ६६ रुपैया तथा उपविजेतालाई ३ लाख ३३ हजार ३ सय ३३ रुपैया प्रदान गरिनेछ।
आयोजक संस्था नारायणगढ जेसीजका अध्यक्ष विकासमान श्रेष्ठकाअनुसार प्रतियोगितामा ए डिभिजनका मनाङ मस्र्याङ्दी, सशस्त्र प्रहरी, नेपाली सेना, नेपाल प्रहरी, संकटा, जावलाखेल, फ्रेण्डस्, सरस्वती क्लबको फुटबल टिम, क्षेत्रीय टिम मकवानपुर ११ र चितवन ११ समेत सहभागिता जनाउने उहाले बताउनुभयो। प्रतियोगिताको आम्दानीको २० प्रतिशत रकम भरतपुरमा निर्माणाधीन गौतमबुद्ध अन्तर्रा्ष्ट्रिय क्रिकेट रंगशालाका लागि प्रदान गरिने प्रतियोगिताका मूल संयोजक कपील श्रेष्ठले जानकारी दिनुभयो।
६० हजार दर्शकले अवलोकन गर्ने लक्ष्य राखिएको प्रतियोगितमा ६८ लाख रुपैयाँ आम्दानी तथा ६३ लाख रुपैयाँ खर्च हुने आयोजकको अनुमान छ। प्रतियोगिता अवलोकनका लागि १ सय र २ सय रुपैयाँको टिकटको व्यवस्था गरिएको उहाले बताउनुभयो।
साभार : नमस्ते tv
