कावासोती मालपोत कार्यालयमा चरम लापरबाही हुने गरेको सेवा ग्रहिको आरोप छ । मिति २०७६/0६/१४ गते एक सेवाग्राहिले नाम नबताउने सर्तमा भोगेको गुनासो सुनाउदै कावासोती मालपोत कार्यालयमा सुधार गर्नु पर्ने कुरा धेरै रहेको बताएका छन् ।
मालपोत कार्यालय छिर्न बितिकै शौचालयको दुर्गन्धले स्वागत गर्ने गरको र यो गर्मिमा सेवा ग्रहिको लागि पर्याप्त खानेपानी तथा पंखाको अभाव रहेको छ । ‘हुनत सरकारी काम कहिले जाला घाम’ भन्ने उखानलाई चरिथार्थ गर्नको लागि होला कर्मचारीहरु काममा त्यति चासो राख्दैनन्। खाजा खाने समय ३० मिनेट भए तापनि ४५ मिनेट सम्म काममा फर्कदैनन । बिहान १० बजे खुल्नु पर्ने कार्यालय ३० मिनेट ढिलो खुल्ने गरेको छ। १ दिन मै हुने कामको लागि ३-४ दिन सम्म धाउनु परेको सेवाग्राहीहरुको गुनासो रहेको छ । ‘आफै नियम पुर्बक काम गर्दा कर्मचारीले वास्ता नगर्ने तर लेखन्दास मार्फत काम गराउदा १-२ घन्टामै काम हुने?’ सेवाग्राहीले आक्रोस पोखे । लेखनदासको रेट ५०००-१०००० सम्म छ, न त्यसको रसिद नै पाईन्छ । यो बिसयमा कार्यालय प्रमुखसंग कुरा गर्दा उहासंग भेट नभएको र उक्त पद रिक्त रहेको जानकारी प्राप्त भयो ।
सेवाग्राहिले काम किन भएन भनेर प्रश्न गर्दा कर्मचारीले झर्को मान्ने र इन्टरनेट/सिस्टमले काम नगरेको भनेर जवाफ फर्काउने गरेको छन् । ‘यति धेरै इन्टरनेट सेवा प्रदायक कम्पनि छन्,सबैको इन्टरनेटले काम गर्ने तर सरकारी कार्यलयको मात्र किन नचाल्लने रहेछ?’ सेवाग्राहीले प्रश्न गर्छन । कर्मचारीहरु सेवा ग्रहिलेलाई भन्दापनि लेखान्दासलाई पहिलो प्रथामिकतामा राख्ने गरेको त्यहाको तस्बिरले स्पस्ट पर्दछ ।
न त्यहाँ बृद्दहरुको लागि छुट्टै व्यवस्था छ न त राम्रो बस्ने ठाउँ नै, कोहि बरन्डामा बसेको छन् भने कोहि आफ्नो पालो कति बेला आउछ भनेर झ्यालमै कुरेर बसेका छन् । कर्मचारी ब्यबस्थापन गर्न नसक्दा सेवाग्राहीले दुख भोग्नु परेको छ ।
टोकन सिस्टम राख्न सकियो र कर्मचारी ब्यबस्थापन गर्न सकियो भने पनि यो सेवा ग्राहीले अनावस्यक झन्झटबाट मुक्ति पाउन सकिन्थ्यो कि ?
