महानगर युवा सञ्जाल ,भरतपुरले दशैं विशेष शुभकामना आदान-प्रदान एंव फलफुल तथा भोजन वितरण कार्यक्रम रोटरी करूणालय(वृध्दाश्रम)तथा थाहा सदावर्त ,भरतपुर -०१,देवघाटमा सम्पन्न गरेको छ ।
उक्त कार्यक्रममा प्रमुख अतिथि प्रदेश नम्बर ३ का सांसद माननीय बिजय सुवेदिले युवाहरुले सामाजिक कार्यमा देखाएको कदमको प्रसंसा गर्नु भयो. कार्यक्रममा विशिष्ट अतिथि रोटरी वृध्दाश्रम तथा थाहा सदावर्तका अध्यक्ष चन्द्रमान श्रेष्ठ , कोषाध्यक्ष लेखराज पन्त , सचिव उत्तमलाल चुके र
अतिथि ,धीरेन्द्र शाह, पेशल कार्कि को उपस्थिति रहेको थियो ।
विगत, वर्तमान र भविष्यकाल अवयवहरूमा जुनसुकै बेला आवश्यक पर्नसक्ने माया,स्नेह,सम्मान र हौसलाको एकमुष्ठ उपहार हो दशैं र दु:खी, पीडित, रोगी ,असहाय, अपाङ्ग, निर्धन , वृध्दजनहरूको सेवा गर्नु नै परम कर्तव्य हो भन्नुहुदै विजया दशमीको पावन अवसरमा निष्काम भावनाले प्रेरित भएर सेवा गर्नु अथवा सुखी र खुसी बनाउन अर्थात् परिवार जनसँग नभएको आभास नहोस् भनि दशैं विशेष शुभकामना कार्यक्रम वृध्दाश्रम तथा थाहा सदावर्तमा आयोजना गरीएको सचिव अमित सापकोटाले बताउनु भयो ।
कार्यक्रमको समापनमा यसै महानगरपालिकाको युवा संजालको संयोजक सन्देश वाग्लेले सबै युवालाई साथ र सहयोगको लागी बधाई अनि सम्पूर्ण उपस्थित आमाबुबालाई दशैंको शुभकामना दिदै आगामी दिनहरूमा पनि यस्तै विशेष कार्यक्रम गर्ने बताउनु भयो ।
