आज चिनियाँ राष्ट्रपति भारत जाँदै

भारतका प्रधानमन्त्री नरेन्द्र मोदी र चीनका राष्ट्रपति सी जिनपिंगबीच आज चेन्नाईको महाबलीपुरममा भेटवार्ता हुँदैछ । तमिलनाडु राज्यको समुद्र किनारस्थित ऐतिहासिक महत्व रहेको ठाउँमा दुई ठूला राष्ट्रका नेता भेटघाट गर्नेछन् ।

सी ११ देखि १२ अक्टोबरसम्म भारतको यात्रामा छन् त्यसपछि उनी नेपाल आउने छन् । सी र मोदीको भेटघाटका लागि महाबलीपुरम किन छनौट गरियो यसबारे अनेकन टिप्पणी भइरहेका छन् । उच्चस्तरीय भेटवार्ताका लागि तमिलनाडुलाई छनौट गरिएकाे बारे भारतीय विदेश मन्त्रालयले कुनै जानकारी दिएको छैन । तर वरिष्ठ पत्रकार आरके राधाकृष्णन भन्छन् ‘यो राजनीति हो । सत्तारुढ भाजपा तमिलनाडुका बासिन्दाहरुलाई आकर्षित गर्न चाहन्छ यो सिर्फ त्यसकै एक हिस्सा हो ।’
साभार : देशसंचार