सनराईज वैंक लि. नारायणगढ, भरतपुर र कावासोती शाखाले आफ्नो १२ औं वार्षिकोत्सवका अवसरमा आज प्रभातफेरी कार्यक्रम सम्पन्न गरेको छ । भरतपुरको हाकीमचोकमा रहेको भरतपुर शाखावाट सुरु गरेको प्रभातफेरी समृद्ध नेपालको सहयात्रामा सनराईज वैंक “हामी संग–संगै” भन्ने नाराका साथ सम्पन्न गरेको हो ।
वैंकको १२ औं वार्षिकोत्सवका अवसरमा आयोजीत प्रभातफेरी कार्यक्रम भरतपुरको हाकीमचोक, विधुत रोड, अस्पताल रोड, चौविसकोठी लायन्सचोक पुलचोक हुँदै नारायणगढ शाखामा आएर सम्पन्न भएको थियो । तीनवटा जिल्लामा यस वैंकका ४० हजार भन्दा बढी सेवाग्राहि रहेको नारायण्गढ़ शाखाका ARO युबराज खरेलले जानकारी दिनु भयो।
चितवनमा बैंकले कृषि क्षेत्रलाई प्राथामिकता दिदै सुलभ ब्याज कर्जाहरु उपलब्ध गराउदै आएको नारायणगढ शाखा प्रमुख योगेन्द्र पुनले बताउनु भयो ।
नेपाल सरकारवाट “क” वर्गको ईजाजत प्राप्त यस वैंकले आफ्ना सेवाहरुलाई अझै विस्तार गर्दै लैजाने लक्ष्य रहेको उहाँको भनाई रहेको थियो । प्रभातफेरीमा समृद्ध नेपाल निर्माणका लागि सहयोग भन्ने व्यानर र प्लेकाडको प्रयोग गरिएको थियो ।
