जानुका दुवाडी / आज पनि देशभरका ५ वर्षसम्मका बालबालिकालाई भिटामिन ए र जुकाको औषधि खुवाईदै छ । हिजो खुवाउन छुटेका बालबालिकालाई आज भिटामिन ए को क्याप्सुल र जुकाको औषधी खुवाउन लागिएको हो ।
जन्मेको ६ महिनादेखि पाँच वर्षसम्मका झण्डै २७ लाख बालबालिकालाई भिटामिन ‘ए’ को क्याप्सुल, एक वर्षदेखि पाँच वर्षमुनिका २४ लाख बालबालिकालाई जुकाको औषधि,६ महिनादेखि दुई वर्षसम्मका चार लाख बालबालिकालाई बालभिटा वितरण गर्नुका साथै ५ बर्षसम्मका बालबालिकाको पोषणको अवस्था थाहा पाउन पाखुराको नाप लिइने स्वास्थ्य सेवा विभाग, पोषण शाखाका प्रमुख केदार पराजुलीले जानकारी दिनुभयो ।
७ सय ५३ वटै पालिकाका ५२ हजार बुथमा स्वास्थ्यकर्मी परिचालन हुने भिटामिन ए कार्यक्रमका लागि झण्डै साढे ३ करोडरुपैयाँ विनियोजन गरिएको छ ।