चितवन, ९ कात्तिक
नारायणगढको क्याम्पा चौरमा भएको टुबोर्ग जेसीज विकास रनिङ शिल्ड राष्ट्रिय फूटबल प्रतियोगिताको उपाधि विभागीय टिम नेपाल पुलिस क्लबले जितेको छ । कार्तिक ९ गते भएको फाइनल खेलमा घरेलु टिम चितवन-११ लाई पराजित गर्दै पुलिसले उपाधी हत्याएको हो। आजको फाईनल प्रतिस्पर्धामा चितवन–११ र नेपाल पुलिस क्लालब को खेल ट्ईरा टाई–ब्रेकरमा पुगेर पुलिसले उपाधी हात पारेको हो।
खेलको लागि निर्धारित समयमा खेल बराबरीमा सकिएपछी नतिजा टाईब्रेकरबाट लिइएको थियो। टाई–ब्रेकरमा चितवनका दुई खेलाडी गोल गर्न चुकेपछि पुलिसले ४–२ को सहज जित निकालेको हो । बिजेता टिम नेपाल पुलिस क्लबको तर्फबाट पेनाल्टी प्रहार गरेका भरत साह, सुमन लामा, अजित भण्डारी र हरि कठायत सबैले गोल गरे भने चितवन-११ बाट कप्तान रुमेश बर्तौला र अश्विन पाख्रिनको प्रहार गोल हुन नसके पछी हार बेहोर्नु परेको हो। त्यस्तै चितवनका सुधांस महतो र अजय गुरुङको प्रहार भने गोल भएको थियो।
चितवनकै सर्वाधिक धनराशीको फुटवल टुर्नामेन्ट पुलिसले जिते संगै ६ लाख ६ हजार ६ सय ६६ रुपैयाँ जित्न सफल भएको छ । त्यस्तै उपविजेता बन्न सफल चितवन–११ ले ३ लाख ३ हजार तीन सय ३३ रुपैयाँ पुरस्कार र उपविजेता शिल्ड पाएको छ।
त्यस्तै यो सिजनको फुटवल प्रतियोगिता भरी उत्कृष्ट प्रदर्शन गरेका पुलिसका मिडफिल्डर रवि पासवान उत्कृष्ट खेलाडी बने । उनले २५ हजार नगद पुरस्कार पाए । त्यस्तै उत्कृष्ट गोलरक्षक पुलिसका तर्फबाट सत्रुधन चौधरी बने भने उत्कृष्ट रक्षक चितवनका तर्फबाट सुधांस महतो बनेका छन।
त्यस्तै उच्च गोलकर्ताहरुमा पुलिसका सुमन लामा र चितवन–११ का रुमेश बर्तौलाले उपाधी पाए भने अनुशासित टिमको उपाधी जित्दै जावलाखेल फूटबल क्लबले जनही १५ हजार नगद पुरस्कार पाए ।
फाइनल खेलको म्यान अफ दी म्याच बनेका पुलिसका डिफेण्डर मानबहादुर विश्वकर्मा बन्न सफल भए भने उनले १० हजार पुरस्कार पाए । बिकाश शिल्ड फुटवल प्रतियोगिता गत असोज ३० गतेदेखि सुरु भएको थियो भने प्रतियोगितामा १० टिम सहभागी थिए ।