नारायणीपुलमा जाली राख्न युवा संजालको महानगर समक्ष ध्यानाकर्षण

भरतपुर महानगर युवा संजालले आज नारायणीपुलमा जाली राख्न महानगर समक्ष आग्रह गरेको छ । युवा संजाल संयोजक सन्देश वाग्लेको नेतृत्वमा गएको टोलिले महानगर प्रमुख समक्ष्य ध्यानाकर्षण पत्र पेश गरेको थियो ।

नारायणगढ बजार र गैंडाकोट नगरपालिका जोड्ने नारायणी पुलको दया बया तर्फ सुरक्षित रेलिंग र तरबारको अभाब भएकाले विभिन्न समयमा विभिन्न उमेर समुहका व्यक्तिहरुले हाम फालेर आत्मा हत्या गर्ने गरेको र गर्ने कोसिस गरेको संयोजक वाग्लेले बताउनु भयो । त्यस्ता घटनाहरु दोहोरिन नदिन र पुल माथिको पैदल यात्री एबम सवारी यात्रीलाई सुरक्षित बनाउन आवस्यक ब्यबस्थापकीय कार्यको लागि ध्यानाकर्षण पत्र पेश गरिएको सचिब अमित सापकोटाले प्रस्ट पार्नु भयो ।

ध्यानाकर्षण पत्र पेश गर्ने कार्यक्रममा चितवन क्षेत्र नम्बर २ का सांसद माननीय कृष्ण भक्त पोख्रेल, प्रदेश सासंद बिजय सुबेदी र सेवा र विकासका लागि युवाका सदस्य त्रिबिक्रम रेग्मीको समेत उपस्थिति रहेको थियो ।