नेपाल जेसीजको राष्ट्रिय अध्यक्षमा उम्मेदवारी दिनु भएको अरुणेश्वर खनाल आफ्नो उम्मेदवारी प्रवद्र्धनको लागि नारायणगढ जेसीजको कार्यक्रम गर्नु भएको छ ।
उक्त कार्यक्रममा नारायणगढ जेसीज र नारायणगढ महिला जेसीजका पधाधिकारी, पूर्वअध्यक्ष र सदस्यसँग निर्वाचननमा आफूलाई सघाउन आग्रह गर्नु भएको थियो । नारायणगढ जेसीजको सचिवालयमा आयोजित कार्यक्रममा नारायणगढ जेसीजका अध्यक्ष विकासमान श्रेष्ठ, नारायणगढ महिला जेसीजका अध्यक्ष निरु कार्कीलगायत दुबै शाखाका पूर्वअध्यक्षहरुले खनाललाई स्वागत गर्दै शुभकामना व्यक्त गर्नु भएको थियो ।
नेपाल जेसिजको देश भरि १५१ वटा शाखा रहेका छन् । सन् २००२ मा नारायणगढ जेसीजले बिसहजारी जेसिजलाई मातृत्व प्रदान गरेको थियो। उक्त कार्यक्रममा अरुणेश्वर खनालले आफ्नो उम्मेदवारी बिसहजारी जेसिजको मात्र नभएर सम्पूर्ण चितवनको प्रतिनिधिको रुपमा रहेको भनाई राख्नु भएको थियो।
