भरतपुर महानगर युवा संजालले आज नारायणीपुलमा जाली राख्न गैंडाकोट नगरपालिका समक्ष आग्रह गरेको छ । युवा संजाल संयोजक सन्देश वाग्लेको नेतृत्वमा गएको टोलिले नगर प्रमुख छत्र राज पौडेल समक्ष्य ध्यानाकर्षण पत्र पेश गरेको छ ।
नारायणगढ बजार र गैंडाकोट नगरपालिका जोड्ने नारायणी पुलको दाया बाया तर्फ सुरक्षित रेलिंग र तारबारको अभाब भएकाले विभिन्न समयमा विभिन्न उमेर समुहका व्यक्तिहरुले हाम फालेर आत्महत्या गर्ने गरेको र गर्ने कोसिस गरेको संयोजक वाग्लेले बताउनु भयो । त्यस्ता घटनाहरु दोहोरिन नदिन र पुल माथिको पैदल यात्री एबम सवारी यात्रीलाई सुरक्षित बनाउन आवस्यक ब्यबस्थापकीय कार्यको लागि ध्यानाकर्षण पत्र पेश गरिएको सचिब अमित सापकोटाले प्रस्ट पार्नु भयो ।
ध्यानाकर्षण पत्र पेश गर्ने कार्यक्रममा गैंडाकोट वडा २,५,९ का वडाअध्यक्ष, संजाल सदस्य सुबास सुबेदी, मेघराज पौडेल र सेवा र विकासका लागि युवाका सदस्य भिम पौडेलको समेत उपस्थिति रहेको थियो ।
संजाल ले १८ गते भरतपुर महानगरलाई पनि ध्यानाकर्षण गराएको थियो र आजै सडक बिभाग भरतपुरलाई पनि ध्यानाकर्षण पत्र बुझायिएको थियो ।
